ସୁବର୍ଣ୍ଣପୁର: ହାଇୱା ଧକ୍କାରେ ବାଇକ ଚାଳକ ମୃତ । ସୁବର୍ଣ୍ଣପୁର ଜିଲ୍ଲା ବିରମହାରାଜପୁର ମୁଖ୍ୟ ଛକଠାରେ ଘଟିଛି ଏହି ମର୍ମନ୍ତୁଦ ସଡକ ଦୁର୍ଘଟଣା । ହାଇୱାକୁ ଜବତ କରିଛି ପୋଲିସ ।
ବାଇକକୁ ଧକ୍କା ଦେଲା ହାଇୱା
ସୂଚନାଅନୁସାରେ, ଉଲୁଣ୍ଡା ବ୍ଲକ କଳାପଥର ପଞ୍ଚାୟତର ଜଗନ୍ନାଥପାଲି ଗ୍ରାମର ମକୁନ୍ଦ ମେହେର ବଜାରକୁ ଔଷଧ ନେବାକୁ ଆସିଥିଲେ । ବିରମହାରାଜପୁର ଛକ ନିକଟରେ ସୋନପୁର ପଟରୁ ଆସୁଥିବା ଏକ ହାଇୱା ବାଇକ ଚାଳକଙ୍କୁ ଧକ୍କା ଦେଇଥିଲା । ହାଇୱା ଚକାରେ ବ୍ୟକ୍ତିଜଣଙ୍କ ମୁଣ୍ଡ ଚାପି ହୋଇଯାଇଥିଲା । ଫଳରେ ଘଟଣାସ୍ଥଳରେ ହିଁ ବାଇକ ଚାଳକଙ୍କର ମୃତ୍ୟୁ ହୋଇଛି ।
ଖବର ପାଇ ବୀରମହାରାଜପୁର ଦମକଳ ବାହିନୀ ଆସି ଯୁବଙ୍କୁ ସ୍ଥାନୀୟ ଡାକ୍ତରଖାନାକୁ ନେଇଥିଲେ । ମାତ୍ର ସେତେବେଳକୁ ଯୁବକଙ୍କର ମୃତ୍ୟୁ ହୋଇସାରିଥିଲା । ଦୁର୍ଘଟଣା ଘଟାଇଥିବା ହାଇୱାକୁ ସୁବଳୟା ପୋଲିସ ଜବତ କରିଥିବା ଜଣାପଡିଛି । ଦୁର୍ଘଟଣାକୁ ନେଇ ଉତ୍ତେଜନା ଦେଖା ଦେଇଥିଲା । ପୋଲିସ ଘଟଣାର ତଦନ୍ତ ଆରମ୍ଭ କରିଛି ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା ,ଇଟିଭି ଭାରତ
