ସୁବର୍ଣ୍ଣପୁର: ମଣ୍ତି ଖୋଲି ନଥିବାରୁ ଫସଲ ବିକ୍ରି କରିବା ପାଇଁ ହନ୍ତସନ୍ତ ହେଉଛନ୍ତି ଚାଷୀ । ସୁବର୍ଣ୍ଣପୁର ଜିଲ୍ଲାରେ ଆଜିଯାଏଁ 29 ଗୋଟି ଧାନ କ୍ରୟ କେନ୍ଦ୍ର ଖୋଲି ନାହିଁ। ଫଳରେ ଚାଷୀମାନେ ବିଭିନ୍ନ ସମସ୍ୟାର ସମ୍ମୁଖୀନ ହେଉଛନ୍ତି । ଜିଲ୍ଲାରେ ଗତ 20ରୁ ଧାନ ସଂଗ୍ରହ ପ୍ରକ୍ରିୟା ଆରମ୍ଭ ହୋଇଛି। ଜିଲ୍ଲା ସ୍ତରୀୟ ଧାନକ୍ରୟ କମିଟି ବୈଠକରେ କୃଷି ସମବାୟ ସମିତି ଓ ମହିଳା ସ୍ବଂୟ ସହାୟକ ଗୋଷ୍ଠୀ ଦ୍ବାରା ପରିଚାଳିତ 114ଟି କ୍ରୟ କେନ୍ଦ୍ର ଖୋଲିବା ପାଇଁ ନିଷ୍ପତି ହୋଇଥିଲା
ହେଲେ ଆଜକୁ 20 ଦିନରୁ ଅଧିକ ବିତିଯାଇଥିଲେ ବି 29 ଗୋଟି ମଣ୍ତି ଖୋଲା ଯାଇନାହିଁ। ତେବେ ଏଯାଏଁ 54 ଗୋଟି କୃଷି ସମବାୟ ସମିତି ଓ 31ଟି ସ୍ବଂୟ ସହାୟକ ଗୋଷ୍ଠୀ ମାଧ୍ୟମରେ ଧାନ ସଂଗ୍ରହ ଚାଲିଛି। ଏଯାଏଁ ପଞ୍ଜିକୃତ 53 ହଜାର 928 ଜଣ ଚାଷୀଙ୍କ ମଧ୍ୟରୁ ମାତ୍ର 6 ହଜାର 835 ଜଣ ଚାଷୀଙ୍କର ଧାନ ସଂଗ୍ରହ ହୋଇଛି। ପ୍ରାୟ 5 ଲକ୍ଷ 50 ହଜାର କୁଇଣ୍ଟାଲ ଧାନ ସଂଗ୍ରହ କରାଯାଇଥିବା ବେଳେ ଖୁବଶୀଘ୍ର 29 ଗୋଟି ମଣ୍ତି ଖୋଲାଯିବ ବୋଲି ଜିଲ୍ଲା ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ଅଧିକାରୀ ସୂଚନା ଦେଇଛନ୍ତି।
ସୁବର୍ଣ୍ଣପୁରରୁ ତିର୍ଥବାସୀ ପଣ୍ତା ,ଇଟିଭି ଭାରତ
