ସୁବର୍ଣ୍ଣପୁର: ପାତାଳୀ ଶ୍ରୀକ୍ଷେତ୍ର ଭାବରେ ପରିଚିତ ସୁବର୍ଣ୍ଣପୁରର ଶ୍ରୀବଡ଼ ଜଗନ୍ନାଥ ଆଜି ବାମନ ବେଶରେ ଶ୍ରଦ୍ଧାଳୁଙ୍କୁ ଦର୍ଶନ ଦେଇଛନ୍ତି । ସେହିପରି ଶ୍ରୀବଳଭଦ୍ର ପର୍ଶୁରାମ ବେଶ ଧାରଣ କରିଛନ୍ତି ।
କୋରନା ପାଇଁ ଶ୍ରଦ୍ଧାଳୁଙ୍କ ଦର୍ଶନ ଉପରେ କଟକଣା
ସୁବର୍ଣ୍ଣପୁର ସହରରେ ପ୍ରଥମ ଥର ପାଇଁ ରଥଯାତ୍ରା ପାଳନ କରାଯାଇ ନ ଥିବା ବେଳେ ନବନିର୍ମିତ ସିଂହାସନରେ ବେନି ଭାଇ ବିଭିନ୍ନ ବେଶ ଧାରଣ କରି ଶ୍ରଦ୍ଧାଳୁଙ୍କୁ ଦର୍ଶନ ଦେଉଛନ୍ତି । କୋରନା ସଂକ୍ରମଣ ପାଇଁ ଶ୍ରଦ୍ଧାଳୁଙ୍କ ସମାଗମକୁ ଦେବୋତ୍ତର କମିଟି ପକ୍ଷରୁ ବାରଣ କରାଯାଇଛି । ସନ୍ଧ୍ୟାରେ ତଥାପି କିଛି ଶ୍ରଦ୍ଧାଳୁ ଶ୍ରୀଜଗନ୍ନାଥଙ୍କ ବେଶ ଦର୍ଶନ କରୁଛନ୍ତି । ଶ୍ରଦ୍ଧାଳୁମାନେ ସାମାଜିକ ଦୂରତ୍ବ ରକ୍ଷା କରିବା ସହିତ ମାସ୍କ ପରିଧାନ କରି ମନ୍ଦିରକୁ ଆସୁଥିବା ବେଳେ ସେବାୟତ ମାନେ ବି ମହାମାରୀ କୋରନା ସଂକ୍ରମଣ ପାଇଁ ବେଶ ଯତ୍ନବାନ ଅଛନ୍ତି । ତେବେ ସୁରୁଖୁରୁରେ ବେନିଭାଇଙ୍କ ବେଶ ଚାଲିଛି।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା ,ଇଟିଭି ଭାରତ
