ସୁବର୍ଣ୍ଣପୁର: ଉଲୁଣ୍ଡା ବ୍ଲକ କୋଟସମଲାଏ ଗ୍ରାମରେ ଦେଖାଦେଇଛି ଛେଳି ମଡକ । କିଛି ଦିନ ହେଲା ଗୃହପାଳିତ ପଶୁଙ୍କୁ ଏକ ଅଜଣା ରୋଗ ବ୍ୟାପିଥିବାବେଳେ ଏହା ଯୋଗୁଁ ଛେଳିଙ୍କ ମୃତ୍ୟୁ ହୋଇଥିବା ଜଣାପଡିଛି।
ସୁବର୍ଣ୍ଣପୁରରେ ଛେଳି ମଡକ
ଏହି ରୋଗରେ ଛେଳିଙ୍କ ପାଟିରେ ଘା ହୋଇଥିଲା ଓ କିଛି ଖାଇ ନ ପାରି ମୃତ୍ୟୁ ହୋଇଛି । କୋଟସମଲାଏ ଗ୍ରାମର ହରି ବାରକୁଟିଆଙ୍କ ୭ ଦିନରେ ୧୨ଟି ଛେଳିର ମୃତ୍ୟୁ ହୋଇଥିବା ଅଭିଯୋଗ ହୋଇଛି । ସେହିପରି ଅନ୍ୟ ଚାଷୀଙ୍କ ଛେଳି ମଧ୍ୟ ମରିଥିବା ଅଭିଯୋଗ ହୋଇଛି । ଗାଁରେ ଗୋଟିଏ ପ୍ରାଣୀ ଚିକିତ୍ସା ଉପକେନ୍ଦ୍ର ଥିଲେ ମଧ୍ୟ କୌଣସି ଅଧିକାରୀ ରହୁ ନଥିବାରୁ ଲୋକେ ନିଜେ ଚିକିତ୍ସା କରୁଥିବା ଦେଖାଯାଇଛି । ପ୍ରାଣୀ ଚିକିତ୍ସାକେନ୍ଦ୍ରକୁ ଡାକ୍ତର ଓ କ୍ଷତିଗ୍ରସ୍ତ ଛେଳି ଚାଷୀଙ୍କୁ କ୍ଷତିପୂରଣ ପାଇଁ ଦାବି ହୋଇଛି।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା, ଇଟିଭି ଭାରତ
