ସୁବର୍ଣ୍ଣପୁର: ଗ୍ୟାସ ଲିକରୁ ଘରେ ଲାଗିଲା ନିଆଁ । ସୁବର୍ଣ୍ଣପୁର ଜିଲ୍ଲା ବିନିକା ବ୍ଲକ ଶଙ୍କରା ଗାଁରେ ଘଟିଛି ଏକ ଦୁଃଖଦ ଘଟଣା । ଗ୍ୟାସ ଲିକ ହୋଇ ଘରେ ନିଆଁ ଲାଗିଯିବାରୁ ଜଣେ 10 ବର୍ଷୀୟ ବାଳକର ମୃତ୍ୟୁ ହୋଇଛି ।
ଗ୍ୟାସ ଲିକରୁ ଅଗ୍ନିକାଣ୍ଡ
ସୂଚନାଅନୁସାରେ, ଶଙ୍କରା ଗାଁର ବାବୁଶାନ ଗୁଡୁରିଆ ଚା' କରିବାକୁ ରୋଷେଇ ଘରକୁ ଯାଇଥିଲେ । ଗ୍ୟାସ ଲଗାଇବା ମାତ୍ର ଅଚାନକ ଘରେ ନିଆଁ ଲାଗିଯାଇଥିଲା । ଗ୍ୟାସ ଲିକ ହୋଇଥିବାରୁ ଏପରି ଘଟିଥିବା ଅନୁମାନ କରାଯାଉଛି । ନିଆଁରୁ ନାବାଳକଙ୍କ ଅର୍ଦ୍ଧଦଗ୍ଧ ଅବସ୍ଥାରେ ଉଦ୍ଧାର କରାଯାଇ ବିନିକା ହସ୍ପିଟାଲରେ ଭର୍ତ୍ତି କରିଥିଲେ । ସେଠାରେ ଡାକ୍ତର ବାବୁଶାନ ଗୁଡୁରିଆଙ୍କୁ ମୃତ ଘୋଷଣା କରିଥିଲେ ।
ଦୁର୍ଘଟଣାର ଖବର ପାଇ ଘଟଣାସ୍ଥଳରେ ଦମକଳ ବାହିନୀ ପହଞ୍ଚି ନିଆଁକୁ ଆୟତ୍ତ କରିଥିଲେ । ଦୁର୍ଘଟଣାରେ ବାଳକର ମୃତ୍ୟୁ ପରେ ସ୍ଥାନୀୟ ଅଞ୍ଚଳରେ ଶୋକକୁଳ ପରିବେଶ ସୃଷ୍ଟି ହୋଇଛି ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା ,ଇଟିଭି ଭାରତ
