ସୁବର୍ଣ୍ଣପୁର: 7 ଦଫା ଦାବି ପୂରଣ ନେଇ ସୁବର୍ଣ୍ଣପୁର ଜିଲ୍ଲା କୃଷକ ବିକାଶ ସମନ୍ବୟ ସମିତି ପକ୍ଷରୁ ମଙ୍ଗଳବାର ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯାଇଛି । ସଭାପତି ରାଜେନ୍ଦ୍ର କୁମାର ନାୟକଙ୍କ ନେତୃତ୍ବରେ ଶତାଧିକ ଚାଷୀ ଏହି ଆନ୍ଦୋଳନରେ ସାମିଲ ହୋଇଥିଲେ ।
ଗତ ଖରିଫର ଫସଲ ବୀମା ଅର୍ଥରାଶି ପ୍ରଦାନ, ଫସଲ ବୀମାର ଘରୋଇକରଣ ବନ୍ଦ କରିବା, ସ୍ବାମୀନାଥନ କମିଟି ସୁପାରିଶ ଅନୁଯାୟୀ ଧାନର ସହାୟକ ମୂଲ୍ୟ ବୃଦ୍ଧି, ମଣ୍ଡି ବ୍ୟବସ୍ଥା ବିକେନ୍ଦ୍ରିକରଣ, ଚାଷୀଙ୍କୁ ଵୋନସ ପ୍ରଦାନ ଆଦି 7 ଦଫା ଦାବି ପୂରଣ ନେଇ ଶତାଧିକ ଚାଷୀଙ୍କ ପକ୍ଷରୁ ଏହି ଆନ୍ଦୋଳନ କରାଯାଇଛି।
ଭିଡିଓ ସୌଜନ୍ୟ: ପ୍ରତିନିଧି, ସୁବର୍ଣ୍ଣପୁର
ଆଗାମୀ ଦିନରେ ଦାବି ପୂରଣ ନହେଲେ ଆନ୍ଦୋଳନକୁ ଭୟାବହ କରିବେ ବୋଲି ଚାଷୀ ଧମକ ଦେଇଛନ୍ତି । ଏଥିସହିତ ଦାବି ପୂରଣ ନିମନ୍ତେ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଜିଲ୍ଲାପାଳଙ୍କୁ ଏକ ସ୍ମାରକ ପତ୍ର ପ୍ରଦାନ କରିଛନ୍ତି ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା, ଇଟିଭି ଭାରତ
