ସୁବର୍ଣ୍ଣପୁର: 3ଦିନ ଧରି କାଳବୈଶାଖୀ ପ୍ରଭାବରେ ଅଦିନିଆ ବର୍ଷାରେ ସୁବର୍ଣ୍ଣପୁର ଜିଲ୍ଲାରେ ଡାଳୁଅ ଧାନ ଫସଲର ବ୍ୟାପକ କ୍ଷୟକ୍ଷତି ହୋଇଛି । ଝଡ ତୋଫାନ, କୁଆପଥର ଓ ଲଗାଣ ବର୍ଷା ଚାଷୀର ମେରୁଦଣ୍ଡ ଭାଙ୍ଗି ଯାଇଛି ।
ସୁବର୍ଣ୍ଣପୁରରେ କ୍ରମାଗତ କାଳବୈଶାଖୀ ବର୍ଷା, ଡାଳୁଅ ଧାନ ଫସଲ ନଷ୍ଟ
କାଳବୈଶାଖୀର ପ୍ରଭାବରେ ହୋଇଥିବା ତୁହା କୁ ତୁହା ବର୍ଷାରେ ଉଜୁଡି ଯାଇଥିବା ଫସଲକୁ ଦେଖି ଚାଷୀ ହତାଶ ହୋଇ ପଡିଛି । ଜିଲ୍ଲାରେ ଜଳସେଚନର ସୁବିଧା ଥିବା କେତେକ ଅଞ୍ଚଳରେ ଚାଷୀମାନେ ଖରାଦିନିଆ ରବି ଧାନ ଚାଷ କରିଥାନ୍ତି । ମହାନଦୀ ଓ ତେଲନଦୀ କୂଳରେ ଉଠା ଜଳସେଚନ ପ୍ରକଳ୍ପରୁ ପାଣି ମଡାଇ ଡାଳୁଅ ଧାନ କରୁଥିବାର ଦେଖାଯାଏ । ବିନିକା ,ଡୁଙ୍ଗୁରିପାଲି ବ୍ଲକରେ ଚାଷୀଙ୍କ ଝାଳ ବୁହା ପରଶ୍ରମର ଫଳ ପାଣିରେ ଭାସୁଛି । ଖାଲି ଧାନ ନୁହେଁ ବ୍ୟାପକ ପରିମାଣର ପନିପରିବା ଫସଲ ବି ନଷ୍ଟ ହୋଇଛି । ମୁଗ ଓ ଚିନାବାଦାମ ଆଦି ଫସଲ ବି କ୍ଷତିଗ୍ରସ୍ତ ହୋଇଛି । ଚାଷୀ କ୍ଷତିଗ୍ରସ୍ତ ଚାଷର କ୍ଷତିପୂରଣ ଦାବି କରିଛି ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା, ଇଟିଭି ଭାରତ
