ସୁବର୍ଣ୍ଣପୁର: ଜିଲ୍ଲାରେ କୋରୋନା ଭୟରେ ବ୍ରୟଲର କୁକୁଡା ଦର ବେଶ ତଳକୁ ଖସିଛି । କେନ୍ଦ୍ର ସରକାରଙ୍କ ପ୍ରାଣୀ ବିଭାଗର ନିର୍ଦ୍ଦେଶକୁ ଠିକ ଭାବେ ପାଳନ କରାଯାଉନାହିଁ । ଫଳରେ ଲୋକଙ୍କ ଭିତରେ କୁକୁଡା ଖାଇବାକୁ ନେଇ ଭୟ ଦେଖାଦେଇଛି ।
ଯାହାକୁ ନେଇ କୁକୁଡା ଚାଷୀ ଓ ବ୍ୟବସାୟୀ ଖୁବ୍ କ୍ଷତିଗ୍ରସ୍ତ ହୋଇଛନ୍ତି । ପ୍ରଭାବରେ ଗୋଟା କୁକୁଡା କେଜି ପ୍ରତି ଏବେ 50 ରୁ 60 ଟଙ୍କାକୁ ଖସି ଆସିଛି । କିଛି ଦିନ ପୂର୍ବରୁ କୁକୁଡା ମାଂସ କେଜି 180 ଟଙ୍କାରେ ବିକ୍ରୀ ହେଉଥିଲା । ହେଲେ 100 ଟଙ୍କା କମ୍ ହୋଇ ଏବେ ମାତ୍ର 80 ଟଙ୍କାରେ କିଲେ କୁକୁଡା ମାଂସ ମିଳୁଛି । ଲୋକଙ୍କ ଭିତରେ ସଚେତନତା ସୃଷ୍ଟି କରାଯାଉ ନଥିବାରୁ ଏବେ କୁକୁଡା ଚାଷୀ ଓ ବ୍ୟବସାୟୀ କ୍ଷତି ସହୁଛନ୍ତି ।
ଚାଷକୁ କରୋନା ମାଡ଼, କୁକୁଡା ଚାଷୀ ଓ ବେପାରୀ କ୍ଷତିଗ୍ରସ୍ତ
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା, ଇଟିଭି ଭାରତ
