ସମ୍ବଲପୁର: ଜିଲ୍ଲା କଂଗ୍ରେସ କାର୍ଯ୍ୟାଳୟରେ ଉତ୍ତେଜନା । ଜିଲ୍ଲା କଂଗ୍ରେସ ସଭାପତି ଅଶ୍ବିନୀ ଗୁରୁ ଓ ଗତ ଥରର ସମ୍ବଲପୁର ବିଧାୟକ ପ୍ରାର୍ଥୀ ଅଶ୍ବିନୀ ପୂଜାହାରୀଙ୍କ ସମର୍ଥକଙ୍କ ମଧ୍ୟରେ ଠେଲାପେଲା ହୋଇଥିବା ଜଣା ପଡ଼ିଛି । କଂଗ୍ରେସ ପରାଜୟ ବିପର୍ଯ୍ୟୟର କାରଣ ଖୋଜିବା ପାଇଁ ଆସିଥିବା ଫ୍ୟାକ୍ଟ ଫାଇଣ୍ଡିଂ ଟିମ ଉପସ୍ଥିତିରେ ଉଭୟ ଗୋଷ୍ଠୀ ମୁହାଁମୁହିଁ ହୋଇଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ସମ୍ବଲପୁର
ଫ୍ୟାକ୍ଟ ଫାଇଣ୍ଡିଂ ଟିମରେ ଆସିଥିବା ଜର୍ଜ ତୀର୍କି ଓ ଜ୍ଞାନ ରଞ୍ଜନ ବେଉରାଙ୍କ ହସ୍ତକ୍ଷେପ ପରେ ପରିସ୍ଥିତି ଶାନ୍ତ ହୋଇଛି । ତେବେ ଏହା ଦଳ ଭିତରର କଳହ ନୁହେଁ ବରଂ ଜଣେ ଅନ୍ୟ ଦଳର ଯୁବକ ଆସି ଏପରି ପରିସ୍ଥିତି ଉପୁଜାଇଥିଲେ ବୋଲି କଂଗ୍ରେସ ନେତା ଜ୍ଞାନ ରଞ୍ଜନ ବେଉରା କହିଛନ୍ତି ।
ଏହି କମିଟି ବୁଧବାର ଜିଲ୍ଲା କଂଗ୍ରେସର ବିଭିନ୍ନ କମିଟି ସହ ଆଲୋଚନା ପରେ ପିସିସିକୁ ରିପୋର୍ଟ ପ୍ରଦାନ କରିବ ।
ସମ୍ବଲପୁରରୁ ବାଦଶାହା ଜୁସ୍ମନ ରଣା, ଇଟିଭି ଭାରତ
