ସମ୍ବଲପୁର: ନିର୍ବାଚନ ଋତୁରେ ବିଭିନ୍ନ ନେତାଙ୍କର ରହିଛି ଭିନ୍ନ ଭିନ୍ନ ପ୍ରତିଶୃତି । କ୍ଷମତାକୁ ଆସିଲେ ଅଞ୍ଚଳର ବିକାଶ ସହ ସାଧାରଣ ଜନତାଙ୍କର ସମସ୍ତ ସୁବିଧା କରାଇବା ପାଇଁ ପ୍ରାର୍ଥୀମାନେ ପ୍ରତିଶୃତି ମଧ୍ୟ ଦେଉଛନ୍ତି । କିପରି ଚାଲିଛି ନିର୍ବାଚନୀ ପ୍ରଚାର ଓ କ’ଣ ରହିବ ଜନସାଧାରଣଙ୍କ ପାଇଁ ପ୍ରତିଶୃତି। ସେ ନେଇ ଆମେ ଭେଟିଥିଲୁ ବିଜେଡିର ବିଧାୟିକା ପ୍ରାର୍ଥୀ ଡ଼ଃ ରାସେଶ୍ବରୀ ପାଣିଗ୍ରାହୀଙ୍କୁ । ତେବେ ନେତାଙ୍କୁ ପାଞ୍ଚଟି ପ୍ରଶ୍ନ କାର୍ଯ୍ୟକ୍ରମରେ ଚାଲନ୍ତୁ ଶୁଣିବା କ’ଣ ରହିଛି ତାଙ୍କର ନିର୍ବାଚନୀ ମୁଦ୍ଦା ।
ସମ୍ବଲପୁର ବିଧାନସଭା କ୍ଷେତ୍ରର ବିକାଶ ରହିଛି ରାସେଶ୍ବରୀଙ୍କର ମୂଳ ଲକ୍ଷ୍ୟ । କେବଳ ସେତିକି ନୁହେଁ, ସମ୍ବଲପୁରକୁ ସ୍ମାର୍ଟ ସିଟିରେ ପରିଣତ କରିବା ତାଙ୍କର ପ୍ରଥମ ଲକ୍ଷ୍ୟ ବୋଲି ସେ ପ୍ରକାଶ କରିଛନ୍ତି । ଏଥିସହ ଆଗାମୀ ଦିନରେ ସହରର ଉନ୍ନତିକରଣ କରିବାକୁ ଯାଇ ଏକ ଆଇଟି ହବ୍ ଖୋଲିବା ପାଇଁ ରାସେଶ୍ବରୀ ଇଚ୍ଛା ରଖିଥିବା ପ୍ରକାଶ କରିଛନ୍ତି ।
ସେ ବିଜୟୀ ହେଲେ ବିଗତ 5 ବର୍ଷରେ ହୋଇଥିବା ଉନ୍ନତିମୂଳକ କାର୍ଯ୍ୟ ପରି ଆଗକୁ ମଧ୍ୟ ଏହି ପ୍ରକ୍ରିୟା ଜାରି ରହିବ ଓ ଲୋକଙ୍କ ମୌଳିକ ସମସ୍ୟା ସହ ଶିକ୍ଷା, ସ୍ଵାସ୍ଥ୍ୟ, ଗମନାଗମନ ଓ ପର୍ଯ୍ୟଟନ କ୍ଷେତ୍ରରେ ଚାଲିଥିବା କାର୍ଯ୍ୟକୁ ଆହୁରି ତ୍ବରାନ୍ବିତ କରାଯିବ ବୋଲି ସେ ପ୍ରକାଶ କରିଛନ୍ତି ।
ସମ୍ବଲପୁରରୁ ବାଦଶାହା ଜୁସ୍ମନ ରଣା, ଇଟିଭି ଭାରତ
