ସମ୍ବଲପୁର: ଗତ ୨୨ ତାରିଖରୁ ୩୧ ତାରିଖ ପର୍ଯ୍ୟନ୍ତ ସମ୍ବଲପୁର ଜିଲ୍ଲାରେ ସଟଡାଉନ ଘୋଷଣା ହୋଇଛି । ରବିବାର ପ୍ରଥମ ପର୍ଯ୍ୟାୟ ସଟଡାଉନ ସରିଥିବାବେଳେ ଆସନ୍ତା କାଲିଠାରୁ ଜୁଲାଇ ୩୧ ତାରିଖ ପର୍ଯ୍ୟନ୍ତ ଦ୍ଵିତୀୟ ପର୍ଯ୍ୟାୟ ସଟଡାଉନ ଜାରି ରହିବ ।
ଏହି ସମୟ ମଧ୍ୟରେ କେତେକ କ୍ଷେତ୍ରରେ କଟକଣାକୁ କୋହଳ କରାଯାଇଛି । ଏହି ଜଟିଳ ସମୟରେ ସମ୍ବଲପୁର ଏସ୍ ପି କନୱର ବିଶାଳ ସିଂ ସାଧାରଣ ଜନତାଙ୍କ ସହଯୋଗ ଲୋଡିଛନ୍ତି । ସେ ଏହି ଜଟିଳ ସମୟରେ ସାଧାରଣ ଜନତାଙ୍କୁ ପୋଲିସର ସହାୟତା କରିବାକୁ ଅପିଲ୍ କରିଛନ୍ତି । ଏହାସହ ବର୍ତ୍ତମାନ ଜିଲ୍ଲାରେ କୋରୋନାକୁ ନେଇ ଜଟିଳ ପରିସ୍ଥିତି ଜାରି ରହିଥିବାରୁ ସମସ୍ତଙ୍କୁ ମାସ୍କ ପିନ୍ଧିବାକୁ ସେ ଅପିଲ୍ କରିଛନ୍ତି ।
ପୋଲିସ ତାର କର୍ତ୍ତବ୍ୟ କରୁଥିଲେ ମଧ୍ୟ ସାଧାରଣ ଜନତାର ସହଯୋଗ ବିନା କୋରୋନା ସହିତ ମୁକାବିଲା କରିବା କଷ୍ଟକର ହେବ । ଏଥିପାଇଁ ସେ ସାଧାରଣ ଜନତାଙ୍କୁ ସରକାରୀ ନୀତି, ନିୟମ ତଥା କୋଭିଡ୍ ନିୟମ କଟକଣାକୁ ମାନିବାକୁ ଅପିିଲ୍ କରିଛନ୍ତି ।
ସମ୍ବଲପୁରରୁ ବାଦଶାହା ଜୁସ୍ମନ ରଣା, ଇଟିଭି ଭାରତ
