ସମ୍ବଲପୁର: ମହାନଦୀର ଦ୍ବିତୀୟ ସେତୁ ତଳେ ପାଣିରେ ବୁଡି ଯୁବକଙ୍କ ମୃତ୍ୟୁ । ଏଭଳି ଦୁଃଖଦ ଘଟଣା ଘଟିଛି ସମ୍ବଲପୁରର ଚାଞ୍ଚପୁର ଅଞ୍ଚଳରେ । ମୃତକଙ୍କ ନାମ ସୁବାସ ଚନ୍ଦ୍ର ପଲେଇ । ତାଙ୍କ ଘର ହୀରାକୁଦ ଅଞ୍ଚଳରେ ବୋଲି ଜଣାପଡିଛି ।
ସୂଚନା ଅନୁସାରେ, ରବିବାର ସୁବାସ ନିଜ 3 ଜଣ ବନ୍ଧୁଙ୍କ ସହ ଚାଞ୍ଚପୁର ଅଞ୍ଚଳକୁ ବଣଭୋଜି କରିବାକୁ ଯାଇଥିଲେ । ସନ୍ଧ୍ୟାରେ ସମସ୍ତେ ନଦୀରେ ଗାଧୋଉଥିବା ବେଳେ ହଠାତ୍ ବୁଡି ଯାଇଥିଲେ ସୁବାସ । ପରେ ଅନ୍ୟ ସାଙ୍ଗମାନେ ଅଗ୍ନିଶମକୁ ଖବର ଦେଇଥିଲେ । ଖବର ପାଇ ଅଗ୍ନିଶମ ବିଭାଗ ବହୁ ଖୋଜାଖୋଜି ପରେ ତାଙ୍କ ମୃତଦେହ ଉଦ୍ଧାର କରିଛି । ଏହି ଘଟଣାକୁ ନେଇ ହୀରାକୁଦ ଅଞ୍ଚଳରେ ଶୋକର ଛାୟା ଖେଳି ଯାଇଛି ।
ସମ୍ବଲପୁରରୁ ବାଦଶାହ ଜୁସ୍ମନ ରଣା, ଇଟିଭି ଭାରତ
