ମହଙ୍ଗା ପଡିଲା ଟ୍ରିପଲ ରାଇଡିଂ, 29 ହଜାର ତଣ୍ଡ ଗଣିଲେ ନାବାଳକ

ଟ୍ରିପଲ ରାଇଡିଂ ପାଇଁ ନାବାଳକଙ୍କ ଉପରେ ପଡିଲା ମୋଟା ଅଙ୍କର ଫାଇନ । ସମ୍ବଲପୁର ଶାସନ ଥାନା ଅନ୍ତର୍ଗତ ପରମାନପୁର ଅଞ୍ଚଳର ଘଟଣା । ଅଧିକ ପଢନ୍ତୁ...

ସମ୍ବଲପୁର: ମହଙ୍ଗା ପଡିଲା ଟ୍ରିପଲ ରାଇଡିଂ । ଏହି ରାଇଡିଂ ପାଇଁ 29 ହଜାର ଟଙ୍କାର ତଣ୍ଡ ଗଣିଲେ ନାବାଳକ । ଶୁକ୍ରବାର ସମ୍ବଲପୁର ଜିଲ୍ଲା ଶାସନ ଥାନା ଅନ୍ତର୍ଗତ ପରମାନପୁର ଅଞ୍ଚଳରେ ପରିବହନ ବିଭାଗ ପକ୍ଷରୁ ଚେକିଂ ଚାଲିଥିବାବେଳେ ଏହି ଘଟଣା ଦେଖିବାକୁ ମିଳିଛି ।

ଚେକିଂ ସମୟରେ ଗୋଟିଏ ବାଇକରେ ତିନି ଜଣ ନାବାଳକ ବସି ଯାଉଥିବାବେଳେ ପରିବହନ ବିଭାଗ ହାବୁଡରେ ପଡିଥିଲେ । ଦୁଇଜଣରୁ ଅଧିକ ବସିଥିବାରୁ ୧ ହଜାର, ନାବାଳକ ଗାଡି ଚାଳନା ପାଇଁ ୨୫ ହଜାର, ହେଲମେଟ ପିନ୍ଧିନଥିବାରୁ ୧ ହଜାର, ଇନସ୍ୟୁରାନ୍ସ ନଥିବାରୁ ୨ ହଜାର ହିସାବରେ ନାବାଳକଙ୍କ ଉପରେ ଫାଇନ ପଡିଛି ।

ସମ୍ବଲପୁରରେ ଟ୍ରାଫିକ ଚେକିଂକୁ କଡାକଡ଼ି ଭାବରେ କାର୍ଯ୍ୟକାରୀ କରାଯାଉଥିବାବେଳେ ସାଧାରଣ ଲୋକଙ୍କୁ ଏନେଇ ସଚେତନ କରାଯାଉଛି ।

ସମ୍ବଲପୁରରୁ ବାଦଶାହ ଜୁସ୍ମନ ରଣା, ଇଟିଭି ଭାରତ