ସମ୍ବଲପୁର: ଧନୁପାଲି ଥାନା ଅନ୍ତର୍ଗତ କାଳିବାଡି ୱେସ୍କୋ ଅଫିସ ସମ୍ମୁଖରେ ଦିନ ଦ୍ବିପ୍ରହରରେ ଯୁବକକୁ ଛୁରା ମାଡ଼ । ରବିବାର ଦିନ ପ୍ରାୟ ସାଢ଼େ 10ଟା ସମୟରେ ମହମ୍ମଦ କାଦିମ ନାମକ ଜଣେ ଯୁବକଙ୍କୁ କିଛି ଯୁବକ ସଙ୍ଘବଦ୍ଧ ଭାବେ ଆକ୍ରମଣ କରିବା ସହ ଛୁରାମାଡ କରିଛନ୍ତି ।
ସମ୍ବଲପୁର ଟାଉନ ଥାନା ଅନ୍ତର୍ଗତ କୁମ୍ଭାର ପଡାର ମୋହସିନ ଅକ୍ତର ଘଟଣାର ମୁଖ୍ୟ ଅଭିଯୁକ୍ତ ବୋଲି ପୋଲିସ ପକ୍ଷରୁ ସୂଚନା ମିଳିଛି । ତେବେ ଆକ୍ରମଣରୁ ଯୁବକ ଜଣକ ନିଜକୁ କୌଣସି ପ୍ରକାର ବଞ୍ଚାଇ ଥିଲେ ମଧ୍ୟ ତାଙ୍କର ବେକ ଓ ହାତରେ ଆଘାତ ଲାଗିଛି । ଯୁବକ ଜଣଙ୍କୁ ସମ୍ବଲପୁର ସରକାରୀ ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ମୁଖ୍ୟ ଅଭିଯୁକ୍ତ ନାଁରେ ପୂର୍ବରୁ ଧନୁପାଲି ଥାନାରେ ଚୋରି, ଡକାୟତି ପରି ବହୁ ମାମଲା ଥିବା ପୋଲିସ କହିଛି ।
ପରିବାର ଲୋଜେ ଏହାକୁ ଜମିବାଡ଼ି ସମ୍ପର୍କିତ ବିବାଦ ଓ ତାଙ୍କୁ ମାରିବାକୁ ସୁପାରୀ ଦିଆ ଯାଇଥିବା କହିଛନ୍ତି । ଏନେଇ ଧନୁପାଲି ଥାନାରେ ମାମଲା ରୁଜ୍ଜୁ ହୋଇଛି । ତେବେ ପୋଲିସ ଏହାକୁ ପୂର୍ବ ଶତ୍ରୁତା ଓ ଗୋଷ୍ଠୀ ବିବାଦ ହୋଇଥାଇପାରେ ବୋଲି କହୁଛି । ଅଭିଯୁକ୍ତକୁ ଧରିବା ପାଇଁ ପୋଲିସ ଉଦ୍ୟମ ଜାରି ରଖିଛି ।
ସମ୍ବଲପୁରରୁ ବାଦଶାହ ଜୁସ୍ମନ ରଣା, ଇଟିଭି ଭାରତ
