ସମ୍ବଲପୁର: ଲକଡାଉନ କଡାକଡି,ମାସ୍କ ପିନ୍ଧିବା ବାଧ୍ୟତାମୂଳକ । ଗୁରୁବାର ହେଉଛି ଲକ ଡାଉନର 16 ତମ ଦିନ । ସମ୍ବଲପୁରରେ ଲକଡାଉନକୁ କଡାକଡି ଭାବେ ପାଳନ କରିବା ପାଇଁ କଠୋର ହୋଇଛି ଜିଲ୍ଲା ପ୍ରଶାସନ । କେବଳ ମେଡିକାଲ ଓ ମେଡ଼ିସିନ ଦୋକାନ ଦିନସାରା ଖୋଲାରହିବ ।
ସମଗ୍ର ରାଜ୍ୟରେ ରାଜ୍ୟ ସରକାର ମସ୍କପିନ୍ଧିବା ବାଧ୍ୟତାମୂଳକ କରିବା ପରେ ସମ୍ବଲପୁରରେ ମାସ୍କ ପିନ୍ଧିବା ବାଧ୍ୟତାମୂଳକ କଲା ଜିଲ୍ଲା ପ୍ରଶାସନ । ସହରରେ ଲକଡାଉନ ସମୟରେ ଅଧିକାଂଶ ଲୋକେ ଘରେ ରହୁଥିବା ବେଳେ କିଛି ଅମାନିଅଁ ଲକଡାଉନ ମାନୁନଥିଲେ । ଆଜିଠାରୁ ଜିଲ୍ଲା ପ୍ରଶାସନର ତତ୍ବରତା ବଢିଯାଇଛି । ସମ୍ବଲପୁରର ତେଜରାତି ଦୋକାନ କେବଳ ସକାଳ 7 ରୁ 12 ପର୍ଯ୍ୟନ୍ତ ଖୋଳାରହିବ । ଏହା ସହ ଦିନ 12ଟା ପରେ ଯଦି କୌଣସି ଲୋକ ବିନା କାରଣରେ 2 ଚକିଆ କିମ୍ବା 4 ଚକିଆ ଯାନରେ ବୁଲିଲେ ସେହି ଗାଡିକୁ ସିଜ କରାଯିବ । ଏହା ସହ ବ୍ୟକ୍ତିଙ୍କୁ ମଧ୍ୟ ଅଟକ ରଖାଯିବ ବୋଲି ଜିଲ୍ଲା ପ୍ରଶାସନ ତରଫରୁ ନିର୍ଦେଶ ଜାରି କରାଯାଇଛି । ଯେଉଁ ବାଇକ ଆରୋହୀ ବା ସ୍ବେଛାସେବୀଙ୍କ ପାସ ରହିଛି ସେମାନଙ୍କୁ ଏହି କଟକଣାରୁ ବାଦ ଦିଆଯାଇଛି ।
ଲୋକଙ୍କୁ ମାସ୍କ ପିନ୍ଧିବା ପାଇଁ ବାଧ୍ୟାତାମୂଳକ କରାଯାଇଛି । ସମ୍ବଲପୁରର ପ୍ରମୁଖ ଛକ ଓ ରାସ୍ତାରେ ପୋଲିସ 24 ଘଣ୍ଟା ମୁତୟନ ରହି ଲକଡାଉନ କିପରି କଡା କଡ଼ି ଭାବେ ପାଳନ କରିବା ପାଇଁ ପ୍ରାଣମୂର୍ଚ୍ଚା ଉଦ୍ୟମ କରୁଛୁ ଜିଲ୍ଲା ପୋଲିସ ପ୍ରଶାସନ ।
ସମ୍ବଲପୁରରୁ ବାଦଶାହା ଜୁସ୍ମନ ରାଣା, ଇଟିଭି ଭାରତ
