ସମ୍ବଲପୁର: ପଦର ଅପବ୍ୟବହାର କରି ଲାଞ୍ଚ ନେଉଥିବା ବେଳେ ଭିଜିଲାନ୍ସ ହାବୁଡରେ ପଡିଛନ୍ତି ସମ୍ବଲପୁର ଜିଲ୍ଲା କୁଚିଣ୍ଡା ବ୍ଲକ ଶିକ୍ଷା ଅଧିକାରୀ (ବିଇଓ) । ଶୁକ୍ରବାର କୁଚିଣ୍ଡା ବିଇଓ ପ୍ରଫୁଲ୍ଲ କୁମାର ନାୟକ ନିଜ କାରରେ ସାତକମା ବ୍ରିଜ ଦେଇ ଯାଉଥିବା ବେଳେ ଭିଡିଲାନ୍ସ ତାଙ୍କ କାରରେ ଚଢାଉ କରିଥିଲା । ରେଡ ବେଳେ କାରରୁ 99,950 ଟଙ୍କା ଜବତ ହେବା ପରେ ତାଙ୍କର ଭଡାଘର ଓ ପୈତୃକ ଘରେ ଚଢାଉ ଆରମ୍ଭ ହୋଇଛି ।
ସୂଚନା ଅନୁଯାୟୀ ନିଜ ପଦର ଅପବ୍ୟବହାର କରି ପ୍ରଫୁଲ୍ଲ ଲାଞ୍ଚ ଟଙ୍କା ସଂଗ୍ରହ କରୁଥିବା ଜଣା ପଡିଥିଲା । ଏଥିରେ ସେ କିଛି ଅର୍ଥ ନେଇ ସାତକମା ବ୍ରିଜ ଦେଇ ଯିବାର ସୂଚନା ପାଇ ସମ୍ବଲପୁର ଭିଜିଲାଲନ୍ସ ଟିମ୍ ସେଠାରେ ପୂର୍ବ ଯୋଜନା ମୁତାବକ ପହଞ୍ଚି ଚଢାଉ କରିଥିଲା । ଏହି ଚଢାଉ ପରେ ବରଗଡ ଓ ବରପାଲିସ୍ଥିତ ତାଙ୍କ ଘରେ ମଧ୍ୟ ଭିଜିଲାନ୍ସ ପକ୍ଷରୁ ଚଢାଉ ଆରମ୍ଭ ହୋଇଛି । ଏନେଇ ସୂଚନା ଦେଇଛନ୍ତି ସମ୍ବଲପୁର ଭିଜିଲାନ୍ସ ଏସପି ସୁବାଷ ଚନ୍ଦ୍ର ସ୍ବାଇଁ ।
ସମ୍ବଲପୁରରୁ ବାଦଶାହ ଜୁସ୍ମନ ରଣା, ଇଟିଭି ଭାରତ
