ସମ୍ବଲପୁର: ଆଉ ଗୋଟିଏ ଦିନ ପରେ ନୂଆବର୍ଷ। ହର୍ଷ ଓ ଉଲ୍ଲାସ ସହ ନୂଆ ବର୍ଷକୁ ସ୍ବାଗତ କରିବା ପାଇଁ ପ୍ରସ୍ତୁତ ସଭିଏଁ। ଏନେଇ ସମ୍ବଲପୁର ସହରର ଅଧିଷ୍ଠାତ୍ରୀ ଦେବୀ ମା’ ସମଲେଶ୍ବରୀଙ୍କ ପୀଠରେ ଦେଖିବାକୁ ମିଳୁଛି ଶ୍ରଦ୍ଧାଳୁଙ୍କ ଭିଡ। ସେଥିରେ ପୁଣି ବଡଦିନ ଓ ନୂଆବର୍ଷର ଛୁଟି ଯୋଗୁଁ ସମୟ ସମୟେ ଭିଡ ଦ୍ବିଗୁଣିତ ହେଉଥିବା ଦେଖିବାକୁ ମିଳୁଛି।
କେବଳ ରାଜ୍ୟ ନୁହେଁ ରାଜ୍ୟ ବାହାରୁ ବି ଶ୍ରଦ୍ଧାଳୁଙ୍କ ସୁଅ ଛୁଟୁଛି ଏଠାକୁ । କିଏ ପରିବାରର ମଙ୍ଗଳ ମନାସୁଛି ତ କିଏ ପୁଣି ନୂଆବର୍ଷ ଆରମ୍ଭରୁ ସୁଖ ସମୃଦ୍ଧି ପାଇଁ ଆଶିଷ ମାଗୁଛି । ମନ୍ଦିରର ଶାନ୍ତ ଓ ଭକ୍ତିମୟ ପରିବେଶରେ ଶ୍ରଦ୍ଧାଳୁ ଦୀପ ଜାଳି ବିଧିପୂର୍ବକ ପୂଜାର୍ଚ୍ଚନା କରୁଛନ୍ତି।
ଆସୁଛି ନୂଆବର୍ଷ, ସମଲେଶ୍ବରୀ ମନ୍ଦିରରେ ବଢୁଛି ଶ୍ରଦ୍ଧାଳୁଙ୍କ ଭିଡ
ତେବେ ନୂଆବର୍ଷର ପ୍ରଥମ ଦିନ ଏଠାରେ ପାଖାପାଖି ଲକ୍ଷେରୁ ଉର୍ଦ୍ଧ୍ବ ଭକ୍ତଙ୍କ ସମାଗମ ହେବାର ଆଶା ରହିଛି। ଏନେଇ ମନ୍ଦିର ଟ୍ରଷ୍ଟ ବୋର୍ଡ ପକ୍ଷରୁ ଧାଡି ଦର୍ଶନର ବ୍ୟବସ୍ଥା ହୋଇଥିବା ମନ୍ଦିର ପରିଚାଳନା କମିଟି ଜଣାଇଛି।
ସମ୍ବଲପୁରରୁ ବାଦଶାହ ଜୁସ୍ମନ ରଣା, ଇଟିଭି ଭାରତ
