‘ବର୍ଷା ଦିନ ପୂର୍ବରୁ ଖୋଲିବ ହୀରାକୁଦ ଗେଟ’

ଯେ କୌଣସି ମୁହୂର୍ତ୍ତରେ ଖୋଲିପାରେ ହୀରାକୁଦ ଗେଟ। ଗେଟ ଖୋଲାଯାଇ ବନ୍ୟା ଜଳ ନିଷ୍କାସନ କରାଯିବ। ଏନେଇ ବୁର୍ଲା ହୀରାକୁଦ ଡ୍ୟାମ କର୍ତ୍ତୃପକ୍ଷଙ୍କ ପକ୍ଷରୁ ସୂଚନା ଦିଆଯିବା ସହ ଲୋକଙ୍କୁ ସତର୍କ ରହିବାକୁ ସୂଚନା ଦିଆଯାଇଛି ।

ସମ୍ବଲପୁର: ଖୋଲିବ ହୀରାକୁଦ ଗେଟ । ଯେ କୌଣସି ମୁହୂର୍ତ୍ତରେ ଗେଟ ଖୋଲି ବନ୍ୟା ଜଳ ନିଷ୍କାସନ କରାଯିବ । ଏଥିପାଇଁ ପୂର୍ବରୁ ସୂଚନା ଦିଆଯିବା ସହ 2 ଘଣ୍ଟା ପୂର୍ବରୁ ସାଇରନ ବାଜିବ । ହୀରାକୁଦ ତଳମୁଣ୍ଡରେ ଥିବା ମହାନଦୀ ଗର୍ଭକୁ ଯିବା ସମୟରେ ସତର୍କତା ଅବଲମ୍ବନ କରିବାକୁ ଲିଖିତ ଭାବେ ନିର୍ଦ୍ଦେଶନାମା ଜାରି କରିଛନ୍ତି ବୁର୍ଲା ହୀରାକୁଦ ଡ୍ୟାମ କର୍ତ୍ତୃପକ୍ଷ ।

ତେବେ ପୂର୍ବରୁ ବର୍ଷା ଦିନ ଆସିଲା ପରେ ହୀରାକୁଦ ଡ୍ୟାମ ଗେଟ ଖୋଲିବା ନେଇ ସୂଚନା ଦିଆଯାଉଥିବା ବେଳେ ଏଥର ମେ ମାସରୁ ଏହି ପ୍ରାକ ସୂଚନା କାହିଁକି ଦିଆଯାଇଛି ତାହା ଜଣା ପଡିନାହିଁ ।

ସମ୍ବଲପୁରରୁ ବାଦଶାହା ଜୁଶମନ ରାଣା , ଇଟିଭି ଭାରତ