ସମ୍ବଲପୁର: ସ୍ବାମୀର ଟାଙ୍ଗିଆ ଚୋଟରେ ସ୍ତ୍ରୀର ମୄତ୍ୟୁ । ଏମିତି ଏକ ଲୋମହର୍ଷଣକାରୀ ଘଟଣା ଘଟିଛି ସମ୍ବଲପୁର ଯୁଜୁମୁରା ବ୍ଳକ ମେଘପାଳ ପଞ୍ଚାୟତର ଘୁଷୁରିଆବାହାଲ ଗାଁରେ ।
ଅଭିଯୁକ୍ତ ପତ୍ନୀହନ୍ତା ସ୍ବାମୀ ହେଉଛନ୍ତି ଜୁଜୁମୁରା ବ୍ଳକ ମେଘପାଲ ପଞ୍ଚାୟତ ଘୁଷୁରିଆବାହାଲ ଗ୍ରାମର ପ୍ରମୋଦ ଭଇଁଷା । ମିଳିଥିବା ସୂଚନା ଅନୁସାରେ ହତ୍ୟାକାରୀ ପ୍ରମୋଦଙ୍କ ସହ ନିଜ ପତ୍ନୀ ପାର୍ବତୀଙ୍କ କୌଣସି କାରଣରୁ ଯୁକ୍ତିତର୍କ ହୋଇ ଝଗଡା ହୋଇଥିଲା । ତେବେ ଏଥିରେ ରାଗିଯାଇ ପ୍ରମୋଦ ନିଜ ସ୍ତ୍ରୀ ପାର୍ବତୀଙ୍କ ମଥାରେ ଟାଙ୍ଗିଆରେ ଆଘାତ କରିବାରୁ ସେ ଗୁରତର ହୋଇ ତଳେ ପଡି ଯାଇଥିଲେ । ପରେ ସ୍ତ୍ରୀଙ୍କୁ ସେହି ଅବସ୍ଥାରେ ଛାଡି ପ୍ରମୋଦ କାମଧନ୍ଦା କରିବାକୁ ବାହାରକୁ ଚାଲି ଯାଇଥିଲେ ।
ପରେ ସେ ସନ୍ଧ୍ୟାରେ ଘରକୁ ଆସିବା ପରେ ତାଙ୍କ ସ୍ତ୍ରୀ ମୄତ୍ୟୁ ହୋଇଥିବା ଜାଣିବାକୁ ପାଇଥିଲେ । ଏନେଇ ପୋଲିସ ଅଭିଯୋଗ ହେଲାପରେ ଜୁଜୁମୁରା ପୋଲିସ ଘଟଣାସ୍ଥଳରେ ପହଞ୍ଚି ଏକ ମାମଲା ଦାୟର କରିଛି । ଏହାସହ ସ୍ବାମୀକୁ ଅଟକ ରଖି ପଚରାଉଚରା ଜାରି ରଖିଛି ।
ସମ୍ବଲପୁରରୁ ବାଦଶାହା ଜୁଶ୍ମନ ରଣା, ଇଟିଭି ଭାରତ
