ସମ୍ବଲପୁର: ସମ୍ବଲପୁରରେ ଅଗ୍ନିଶମ ବିଭାଗର ମକ ଡ୍ରିଲ । ଅଗ୍ନିଶମ ନିରାପତ୍ତା ସପ୍ତାହ ଅବସରରେ ଆଜି(ଶୁକ୍ରବାର) ସମ୍ବଲପୁର ବିଗ ବଜାରରେ ଅଗ୍ନିଶମ ବିଭାଗର ମକ ଡ୍ରିଲ ଆୟୋଜିତ ହୋଇଛି ।
ଏପ୍ରିଲ 14 ରୁ 20 ପର୍ଯ୍ୟନ୍ତ ଅଗ୍ନିଶମ ନିରାପତ୍ତା ସପ୍ତାହ ଭାବେ ପାଳିତ ହୋଇଥାଏ । ଏହି ପରିପ୍ରେକ୍ଷୀରେ ସମ୍ବଲପୁର ଅଗ୍ନିଶମ ବିଭାଗ ପକ୍ଷରୁ ବିଭିନ୍ନ କାର୍ଯ୍ୟକ୍ରମ ହାତକୁ ନିଆଯାଇଛି ।
ଅଗ୍ନିଶମ ବିଭାଗର ମକ୍ ଡ୍ରିଲ
ଆଜି ସମ୍ବଲପୁର ମୁଦୀପଡା ଛକରୁ ରେଳଷ୍ଟେସନ ରାସ୍ତାରେ ଥିବା ବିଗ ବାଜାର ବିଲଡିଂରେ ଅଗ୍ନିଶମ ବିଭାଗ ପକ୍ଷରୁ ଏକ ମକ ଡ୍ରିଲ ଆୟୋଜନ କରାଯାଇଛି । ଏହି ଅବସରରେ ବିଗ ବଜାରର ଅଗ୍ନି ନିରାପତ୍ତା ବ୍ୟବସ୍ଥା ତଦାରଖ କରାଯିବା ସହ ଲୋକଙ୍କୁ ଅଗ୍ନି ଦୁର୍ଘଟଣାରୁ ବଞ୍ଚିବା ପାଇଁ ସଚେତନତା କରାଯାଇଛି । ଏହା ସହ ଆଜି ସମ୍ବଲପୁର ସହରରେ ଅଗ୍ନିଶମ ବିଭାଗର 6 ଟି ଗାଡି ବିଭିନ୍ନ ସ୍ଥାନରେ ଅଗ୍ନି ନିରାପତ୍ତା ଜନିତ ସଚେତନତା କରିଛି ।
ସମ୍ବଲପୁରରୁ ବାଦଶାହ ଜୁସ୍ମନ ରଣା, ଇଟିଭି ଭାରତ
