ଟୋକନ ସମସ୍ୟା ନେଇ DRCS ଅଫିସ ଘେରିଲେ ଚାଷୀ

ରବିଋତୁ ପାଇଁ ଧାନ ସଂଗ୍ରହ ଜାରି ରହିଥିବା ବେଳେ ଧାନ ବିକ୍ରି ପାଇଁ ପଞ୍ଜିକରଣ କରିଥିବା ଚାଷୀଙ୍କ ପାଖକୁ ଟୋକନ ଆସିନଥିବାରୁ ଚାଷୀଙ୍କ ଧାନ ବିକ୍ରି ନହୋଇ ଖଳାରେ ପଡିରହିଛି । କାଳ ବୈଶାଖୀ ବର୍ଷା ଯୋଗୁଁ ଚାଷୀଙ୍କ ଧାନ ନଷ୍ଟ ହେବାର ସମସ୍ୟା ରହିଛି । ତେଣୁ, ଜିଲ୍ଲା କୃଷକ ସୁରକ୍ଷା ସଂଗଠନର ସଦସ୍ୟ ମାନେ DRCS କାର୍ଯ୍ୟାଳୟ ଘେରାଉ କରିଛନ୍ତି । ଅଧିକ ପଢନ୍ତୁ

ସମ୍ବଲପୁର: ସମ୍ବଲପୁରରେ କୃଷକ ସମସ୍ୟା ଦେଖାଦେଇଛି । ମୁଖ୍ୟତଃ ବର୍ତ୍ତମାନ ରବିଋତୁ ପାଇଁ ଧାନ ସଂଗ୍ରହ ଜାରି ରହିଥିବା ବେଳେ ଧାନ ବିକ୍ରି ପାଇଁ ପଞ୍ଜିକରଣ କରିଥିବା ଚାଷୀଙ୍କ ପାଖକୁ ଟୋକନ ଆସିନଥିବାରୁ ଚାଷୀଙ୍କ ଧାନ ବିକ୍ରି ନହୋଇ ଖଳାରେ ପଡିରହିଛି । ଏଭଳି ସ୍ଥିତିରେ କାଳ ବୈଶାଖୀ ବର୍ଷା ଯୋଗୁଁ ଚାଷୀଙ୍କ ଧାନ ନଷ୍ଟ ହେବାର ସମସ୍ୟା ରହିଛି ।

ଏହାକୁ ଦୃଷ୍ଟିରେ ରଖି ଚାଷୀଙ୍କ ପାଇଁ ଜିଲ୍ଲା ପ୍ରଶାସନ କୌଣସି ପଦକ୍ଷେପ ନେଉନଥିବା ଅଭିଯୋଗ କରିଛି ସମ୍ବଲପୁର ଜିଲ୍ଲା କୃଷକ ସୁରକ୍ଷା ସଙ୍ଗଠନ । ଏହି ସମସ୍ୟା ନେଇ ଆଜି (ଶୁକ୍ରବାର) ଚାଷୀ ନେତା ଅଶୋକ ପ୍ରଧାନଙ୍କ ନେତୃତ୍ତ୍ବରେ ଜିଲ୍ଲା କୃଷକ ସୁରକ୍ଷା ସଂଗଠନର ସଦସ୍ୟ ମାନେ DRCS କାର୍ଯ୍ୟାଳୟ ଘେରାଉ କରିଛନ୍ତି । ତୁରନ୍ତ ସମସ୍ୟାର ସମାଧାନ ପାଇଁ ବିହିତ କାର୍ଯ୍ୟାନୁଷ୍ଠାନ ଜିଲ୍ଲା ପ୍ରଶାସନ ନେଉ, ନଚେତ ଚାଷୀ ଆନ୍ଦୋଳନକୁ ତୀବ୍ରତର କରିବ ବୋଲି ଚେତାବନୀ ଦିଆଯାଇଛି ।

ସମ୍ବଲପୁରରୁ ବାଦଶାହ ଜୁସ୍ମନ ରାଣା, ଇଟିଭି ଭାରତ