ଭୁବନେଶ୍ବର: ଆଗାମୀ ନିର୍ବାଚନ ପାଇଁ କଂଗ୍ରେସ ପକ୍ଷରୁ ଜାରି ହୋଇଛି ଆଉ ଏକ ପ୍ରାର୍ଥୀ ତାଲିକା । ଏଥିରେ 9ଟି ବିଧାନସଭା ଓ ଗୋଟିଏ ଲୋକସଭା ଆସନ ପାଇଁ ପ୍ରାର୍ଥୀ ଘୋଷଣା ହୋଇଛି । ସମ୍ବଲପୁର ଲୋକସଭା ଆସନ ପାଇଁ ଶରତ ପଟ୍ଟନାୟକ ଦଳୀୟ ପ୍ରାର୍ଥୀ ହୋଇଛନ୍ତି ।
ସେହିପରି 9ଟି ବିଧାନସଭା ଆସନ ପାଇଁ ମଧ୍ୟ କଂଗ୍ରେସ ପ୍ରାର୍ଥୀ ଘୋଷଣା କରିଛି । ସମ୍ବଲପୁର ବିଧାନସଭା ପାଇଁ ଅଶ୍ବିନୀ ପୂଜାରୀ, ଘସିପୁରାରେ ନିରଞ୍ଜନ ପଟ୍ଟନାୟକ, କଟକ-ଚୌଦ୍ବାରରେ ଜଗଦୀଶ ମହାନ୍ତି, କଟକ-ସଦର(ଏସସି)ରେ ଅଭିଶେକ ମହାନନ୍ଦା, ଜୟଦେବ(ଏସସି)ରେ ସୁକାନ୍ତ ତିଆଡି ଭୋଇ, ଭୁବନେଶ୍ବର ମଧ୍ୟରେ ରାଜୀବ ପଟ୍ଟନାୟକ, ଭୁବନେଶ୍ବର ଉତ୍ତରରେ ଇତିଶ ପ୍ରଧାନ, ବେଗୁନିଆରେ ପ୍ରଦୀପ ସାହୁ ଏବଂ ଚିଲିକାରେ ପ୍ରଦୀପ ସ୍ବାଇଁ ଦଳୀୟ ପ୍ରାର୍ଥୀ ହୋଇଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
