ସମ୍ବଲପୁର: ଜିଲ୍ଲା ବିଜେଡି ଛାତ୍ର ଜନତା ଦଳ ନୂତନ କମିଟି ଶୁକ୍ରବାର ଗଠିତ ହୋଇଛି । ନୂତନ କମିଟି ଗଠନ ହେବା ପରେ ରାଜ୍ୟ ସଭାପତି ଦେବୀ ରଞ୍ଜନ ତ୍ରିପାଠୀ ରାଜ୍ୟର ଅନ୍ୟ ସମସ୍ତ ଜିଲ୍ଲାର ବିଜେଡି ଛାତ୍ର କମିଟି ସହିତ ଏହାକୁ ମଧ୍ୟ ଅନୁମୋଦନ କରିଛନ୍ତି ।
ବିଜୁ ଛାତ୍ର ଜନତା ଦଳର ରାଜ୍ୟ ସଭାପତି ଦେବୀ ରଞ୍ଜନ ତ୍ରିପାଠୀ ରାଜ୍ୟର ସମସ୍ତ ଜିଲ୍ଲାର ବିଜେଡି ଛାତ୍ର କମିଟିକୁ ଅନୁମୋଦନ ଦେବା ପରେ ସମ୍ବଲପୁର ଜିଲ୍ଲାରେ ମଧ୍ୟ ବିଜେଡି ଛାତ୍ର ଜନତା ଦଳର ନୂତନ କମିଟି ଗଠିତ ହୋଇଛି । ଏହି ଜିଲ୍ଲା କମିଟିରେ ସ୍ଥାନ ପାଇଥିବା ସମସ୍ତ ପଦାଧିକାରୀଙ୍କୁ ସମ୍ବଲପୁର ଜିଲ୍ଲା ବିଜୁ ଛାତ୍ର ଜନତା ଦଳ ପକ୍ଷରୁ ସମ୍ବର୍ଦ୍ଧିତ କରାଯାଇଛି ।
ଏହି କାର୍ଯ୍ୟକ୍ରମରେ ରେଢ଼ାଖୋଲ ବିଧାୟକ ତଥା ଶାସକ ଦଳର ଉପମୁଖ୍ୟ ସଚେତକ ଇଞ୍ଜିନିୟର ରୋହିତ ପୂଜାରୀ ନୂତନ କରି ଜିଲ୍ଲା ବିଜୁ ଛାତ୍ର ଜନତା ଦଳରେ ସ୍ଥାନ ପାଇଥିବା ପଦାଧିକାରୀଙ୍କୁ ସମ୍ବର୍ଦ୍ଧିତ କରି ଉତ୍ସାହିତ କରିଛନ୍ତି । ଏଥିସହ ଜିଲ୍ଲାର ବିଜୁ ଛାତ୍ର ଜନତା ଦଳର ନୂତନ କମିଟି, ଜିଲ୍ଲାରେ ବିଜେଡିର ଛାତ୍ର ସଂଗଠନକୁ ସୁଦୃଢ କରିବାରେ ସାହାଯ୍ୟ କରିବ ବୋଲି ଆଶାବ୍ୟକ୍ତ କରିଛନ୍ତି । ସମ୍ବର୍ଦ୍ଧନା କାଯ୍ୟକ୍ରମରେ ବିଜୁ ଛାତ୍ର ଜନତା ଦଳର ଜିଲ୍ଲା ସଭାପତି ସିଦ୍ଧାନ୍ତ ମହାନ୍ତିଙ୍କ ସମେତ ବହୁ ଛାତ୍ର ନେତା ଉପସ୍ଥିତ ରହିଥିଲେ ।
ସମ୍ବଲପୁରରୁ ବାଦଶାହ ଜୁସ୍ମନ ରଣା, ଇଟିଭି ଭାରତ