ସମ୍ବଲପୁର: ଜିଲ୍ଲାର ବୁର୍ଲାଠାରେ ଥିବା ମେଡିକାଲ କଲେଜ ଭିମସାରରେ ଆନ୍ଦୋଳନରତ ନର୍ସିଂ ଛାତ୍ର ଛାତ୍ରୀଙ୍କୁ ବରଗଡ଼ ସାଂସଦ ସୁରେଶ ପୂଜାରୀ ଭେଟିଛନ୍ତି । ତେବେ ଛାତ୍ରଛାତ୍ରୀମାନେ ବେଆଇନ ଫି ସଂଗ୍ରହ ସହିତ ଅନେକ ସମସ୍ୟା ବିରୋଧରେ ଆନ୍ଦୋଳନ କରୁଥିବା ଜଣାପଡିଛି ।
ଭିମସାରର ଆନ୍ଦୋଳନରତ ନର୍ସିଂ ଛାତ୍ରଛାତ୍ରୀଙ୍କୁ ଭେଟିଲେ ସୁରେଶ ପୂଜାରୀ
ବିଗତ 21 ଦିନରୁ ଊର୍ଦ୍ଧ୍ବ ସମୟ ଧରି ବୁର୍ଲାର ନର୍ସିଂ ଛାତ୍ରଛାତ୍ରୀ ବିଭିନ୍ନ ଦାବି ନେଇ ଆନ୍ଦୋଳନ କରିଆସୁଛନ୍ତି । ମୁଖ୍ୟତଃ ରସିଦ ନଦେଇ ବେଆଇନ ଫି ସଂଗ୍ରହ, ନର୍ସିଂ କଲେଜରେ ଭିତ୍ତିଭୂମିର ଅଭାବ, ଫ୍ୟାକଲ୍ଟି ଅଭାବ, ଲାଇବ୍ରେରୀର ସମସ୍ୟା ଆଦିର ସମାଧାନ ଦାବିରେ ଏହି ଛାତ୍ରଛାତ୍ରୀ ଆନ୍ଦୋଳନ କରିଆସୁଛନ୍ତି।
