ସମ୍ବଲପୁର: ଗତ କିଛିଦିନ ତଳେ ବୁର୍ଲା ଭିସୁଟ ଛାତ୍ରଙ୍କୁ ରାଗିଂ ପରେ ବୁର୍ଲା ସ୍ଥିତ ବୀର ସୁରେନ୍ଦ୍ର ସାଏ ଅୟୁର୍ବିଜ୍ଞାନ ପ୍ରତିଷ୍ଠାନ ତଥା ଭୀମସାରରେ ଜଣେ ଡାକ୍ତରୀ ଛାତ୍ରଙ୍କୁ ପୁଣି ରାଗିଂ ଅଭିଯୋଗ । ଏମବିବିଏସର ଜଣେ ଜୁନିୟର ଛାତ୍ରଙ୍କୁ ଜଣେ ସିନିୟର ଛାତ୍ର ରାଗିଂ କରିଥିବା ମେଡିକାଲ କାଉନସିଲ ଅଫ ଇଣ୍ଡିଆରେ ଅଭିଯୋଗ ହୋଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, ସମ୍ବଲପୁର
ଘଟଣାଟି ହଷ୍ଟେଲ ବାହାରେ ଘଟିଥିବା ବେଳେ ଦୁଇ ଛାତ୍ରଙ୍କ ବ୍ୟକ୍ତିଗତ କାରଣରୁ ହୋଇଛି ବୋଲି ଇନ୍ଚାର୍ଜ ଡ଼ିନ ବେଣୁଧର ପାଣ୍ଡେ ସୂଚନା ଦେଇଛନ୍ତି । ତେବେ ଏହି ଘଟଣାକୁ ଆଣ୍ଟି ରାଗିଂ କମିଟି ପାଖରେ ଉପସ୍ଥାପନ କରାଯିବା ସହ ଉଭୟ ଛାତ୍ରଙ୍କ ବୟାନ ମଧ୍ୟ ରେକର୍ଡ କରାଯାଇଛି । ବୟାନ ରେକର୍ଡ ପରେ ଏହି ପ୍ରସଙ୍ଗକୁ ଡିସିପ୍ଲିନାରୀ କମିଟିକୁ ହସ୍ତାନ୍ତର କରାଯାଇଛି । ଆଗକୁ ଘଟଣାର ତର୍ଜମା କରି ଡିସିପିଲିନାରୀ କମିଟି କାର୍ଯ୍ୟାନୁଷ୍ଠାନ ନେବ ବୋଲି ଡିନ କହିଛନ୍ତି।
ସମ୍ବଲପୁରରୁ ବାଦଶାହ ଯୁସ୍ମନ ରଣା, ଇଟିଭି ଭାରତ
