ସମ୍ବଲପୁର: ଜିଲ୍ଲାରେ ପୁଣି 8 ନୂଆ ଆକ୍ରାନ୍ତ ଚିହ୍ନଟ । ସଦ୍ୟ ଚିହ୍ନଟ ଆକ୍ରାନ୍ତଙ୍କ ମଧ୍ୟରେ 6 ଜଣ ପୁରୁଷ ଓ 2 ଜଣ ମହିଳା ରହିଥିବା ବେଳେ ସେମାନଙ୍କ ମଧ୍ୟରୁ 7 ଜଣ ରାଜ୍ୟ ବାହାରୁ ଫେରିଥିବା ଜଣା ପଡିଛି । ବଳକା ଜଣେ ଅନ୍ୟ ଜଣଙ୍କ ସଂସ୍ପର୍ଶରେ ଆସି କୋରୋନା ସଂକ୍ରମିତ ହୋଇଥିବା ସୂଚନା ରହିଛି ।
ସୂଚନା ଅନୁଯାୟୀ ଶୁକ୍ରବାର ଚିହ୍ନଟ ହୋଇଥିବା ଆକ୍ରାନ୍ତମାନେ ଗୋଆ, ଦିଲ୍ଲୀ, ଝାଡଖଣ୍ଜ, ଛତିଶଗଡ, ଗୁଜୁରାଟ, ମହାରାଷ୍ଟ୍ର, ତାମିଲନାଡୁରୁ ଫେରି ଜିଲ୍ଲାର ସଙ୍ଗରୋଧ କେନ୍ଦ୍ରରେ ରହି ଆସୁଥିଲେ । ଏମାନଙ୍କ ପାଖରେ କୋରୋନାର କୌଣସି ସଂକ୍ରମଣ ନଥିବା ବେଳେ ଶୁକ୍ରବାର ସମସ୍ତଙ୍କୁ କୋଭିଡ-19 ହସ୍ପିଟାଲକୁ ସ୍ଥାନାନ୍ତର କରାଯାଇଛି ।
ସେପଟେ ଚିହ୍ନଟ ଆକ୍ରାନ୍ତଙ୍କ କଣ୍ଟାକ୍ଟ ଟ୍ରେସିଂ ଜାରି ରହିଥିବା ଜିଲ୍ଲା ପ୍ରଶାସନ ସୂଚନା ଦେଇଛି । ଏଥିସହ ବର୍ତ୍ତମାନ ସୁଦ୍ଧା ଜିଲ୍ଲାରେ ମୋଟ ଆକ୍ରାନ୍ତ ସଂଖ୍ୟା 64ରେ ପହଞ୍ଚିଥିବା ଜଣା ପଡିଛି । ଏମାନଙ୍କ ମଧ୍ୟରୁ 36 ଜଣ ସୁସ୍ଥ ହୋଇ ଘରକୁ ଫେରିଥିବା ବେଳେ 28ଟି ସକ୍ରିୟ ମାମଲା ରହିଛି ।
ସମ୍ବଲପୁରରୁ ବାଦଶାହ ଜୁସ୍ମନ ରଣା, ଇଟିଭି ଭାରତ
