ସମ୍ବଲପୁର: ଡକାୟତଙ୍କ ଯୋଜନାକୁ ପଣ୍ଡ କଲେ ସମ୍ବଲପୁର କତରବଗା ଥାନା ପୋଲିସ । ଡକାୟତି କରିବାକୁ ଯୋଜନା ପ୍ରସ୍ତୁତ କରୁଥିବା ସମୟରେ 6 ଡକାୟତଙ୍କୁ ଗିରଫ କରିଛି ପୋଲିସ । ଗିରଫ ଡକାୟତଙ୍କ ଠାରୁ ବ୍ୟାପକ ପରିମାଣର ଧାରୁଆ ଅସ୍ତ୍ର ,ଏକ ଦେଶୀ ବନ୍ଧୁକ ଓ ଆରି ସହ ଏକ କାର ଜବତ କରାଯାଇଛି । ତେବେ ଆଜି ସେମାନଙ୍କୁ କୋର୍ଟ ଚାଲାଣ କରାଯାଇଛି ।
ସୂଚନାମୁତାବକ, ଗତ ବିଳମ୍ବିତ ରାତି ପ୍ରାୟ 2ଟା ସମୟରେ ଲାଉମାଲ ଛକରେ ଗୋଟିଏ କାର ଭିତରୁ 6 ଜଣ ଡକାୟତଙ୍କୁ ଗିରଫ କରାଯାଇଛି । ପୋଲିସଙ୍କ ସୂଚନାନୁସାରେ, ଏହି ଡକାୟତମାନେ ସେହି ଅଞ୍ଚଳରେ ଡକାୟତି କରୁଥିବାବେଳେ ସନ୍ଦେହଜନକ ସ୍ଥିତିରେ ସ୍ଥାନୀୟ ଲୋକମାନେ ଦେଖିଥିଲେ ଏବଂ ପୋଲିସକୁ ଖବର ଦେଇଥିଲେ ।
ଏହାପରେ ପୋଲିସ ତୁରନ୍ତ ଘଟଣାସ୍ଥଳରେ ପହଞ୍ଚି ଡକାୟତଙ୍କୁ ଗିରଫ କରିଥିଲା । ତେବେ ସେମାନଙ୍କ ମଧ୍ୟରୁ 3 ଜଣଙ୍କ ନାଁରେ ପୂର୍ବରୁ ଅନେକ ମାମଲା ରହିଛି । କିଛି ଦିନ ପୂର୍ବରୁ ଏମାନେ ରେଙ୍ଗାଲି ଥାନା ଅଞ୍ଚଳରେ ଇଲେକ୍ଟ୍ରି ତାର ଚୋରି କରିଥିବା ସ୍ବୀକାର କରିଥିବା ପୋଲିସ କହିଛି ।
ସମ୍ବଲପୁରରୁ ବାଦଶାହ ଜୁସ୍ମନ ରଣା, ଇଟିଭି ଭାରତ
