ରାୟଗଡ଼ା: ରାୟଗଡ଼ା ସହରର କପିଳାସ ରୋଡରେ ଜଣେ ଯୁବକଙ୍କୁ ନିର୍ମମ ହତ୍ୟା କରାଯାଇଛି । ହତ୍ୟାର ଶିକାର ଯୁବକ ଜଣକ ହେଲେ ବି.ରାଜୁ(୨୫)। ଏହି ଘଟଣାରେ ଜଡ଼ିତ ଅଭିଯୋଗରେ ଜଣେ ଯୁବକଙ୍କୁ ପୋଲିସ ଅଟକ ରଖିଛି । ପରକିୟା ପ୍ରୀତିରୁ ଏହି ହତ୍ୟାକାଣ୍ଡ ହୋଇଥିବା ଅନୁମାନ କରାଯାଉଛି ।
ପରକୀୟା ପ୍ରୀତି ପାଇଁ ଯୁବକଙ୍କୁ ନିର୍ମମ ହତ୍ୟା
ଘଟଣାରୁ ପ୍ରକାଶ ଯେ, ଗତକାଲି(ମଙ୍ଗଳବାର) ରାତିରେ ରାଜୁ ଓ ତାଙ୍କ ବନ୍ଧୁଙ୍କ ସହ ଝଗଡା ହୋଇଥିଲା। ଅଟକ ଥିବା ଯୁବକଙ୍କ ବୟାନ ଅନୁଯାୟୀ ପରକିୟା ପ୍ରୀତି ଯୋଗୁଁ ଝଗଡା ସୃଷ୍ଟି ହୋଇଥିଲା। ଏହାପରେ କେତେଜଣ ମିଳିତ ଭାବେ ରାଜୁଙ୍କ ଉପରେ ଆକ୍ରମଣ କରିଥିଲେ। ଆକ୍ରମଣ ପରେ ରାଜୁଙ୍କ ମୃତ୍ୟୁ ହୋଇଥିଲା। ଖବର ପାଇ ପୋଲିସ ପହଞ୍ଚି ତଦନ୍ତ ଜାରି ରଖିଛି । ସନ୍ଧାନୀ କୁକୁର ଓ ସାଇଣ୍ଟିଫିକ ଟିମ ସହାୟତାରେ ତଦନ୍ତ କରୁଛି। ଅନ୍ୟ କେଉଁମାନେ ଘଟଣାରେ ଜଡ଼ିତ ରହିଛନ୍ତି ତାହା ମଧ୍ୟ ଅନୁସନ୍ଧାନ କରୁଛି ପୋଲିସ। ତେବେ ଏନେଇ ପୋଲିସ ପକ୍ଷରୁ କୌଣସି ପ୍ରତିକ୍ରିୟା ମିଳିପାରି ନହିଁ ।
ରାୟଗଡାରୁ ରଞ୍ଜନ କୁମାର ରଥ, ଇଟିଭି ଭାରତ
