ରାୟଗଡ଼ା: ମଶାଣି ଜମିକୁ ମାଡ଼ି ବସିଛି କମ୍ପାନୀ (company acquired cremation ground in rayagada) । ଅନ୍ତିମ ସଂସ୍କାର ପାଇଁ ଜୀବନକୁ ବାଜି ଲଗାଉଛନ୍ତି ଗ୍ରାମବାସୀ । ରାୟଗଡ଼ା ଜିଲ୍ଲା କାଶୀପୁର ବ୍ଲକର ଦୁଃଖ ସରୁନାହିଁ । କେତେବେଳେ ଅନାହାର ତ ପୁଣି କେତେବେଳେ ହଇଜା ସହ ଲଢି ନିରୀହ ଅଧିବାସୀଙ୍କ ଜୀବନ ଯାଉଛି । ମୃତ୍ୟୁ ପରେ ବି ପିଛା ଛାଡୁନି ବିପତ୍ତି । ଅନ୍ତିମ ସଂସ୍କାର ପାଇଁ ମୃତଦେହକୁ ମିଳୁନି ସ୍ଥାନ । ଏଭଳି ଘଟଣା ଦେଖିବାକୁ ମିଳିଛି ଦିମୁଣ୍ଡି ଅଞ୍ଚଳରେ ।
କାଶୀପୁର ବ୍ଲକ ଅନ୍ତର୍ଗତ ଡିମୁଣ୍ଡି ଗ୍ରାମର ଲୋକଙ୍କ ଜମିରେ ଉତ୍କଳ ଆଲୁମିନାଲ କାରଖାନା (utkal alumina international ltd in rayagada) ଗଢ଼ିଉଠିଛି । ଏବେ ଶ୍ମଶାନ ପାଇଁ ଯେଉଁ ରାସ୍ତା ଥିଲା ତାକୁ ମଧ୍ୟ କବ୍ଜା କରି ପାଚେରୀ ଦେଇଥିବା ଅଭିଯୋଗ ହୋଇଛି । ଏହାଦ୍ବାରା ସେହି ଅଞ୍ଚଳରେ ମୃତଦେହ ଦାହ ପାଇଁ ପ୍ରତିବନ୍ଧକ ଉପୁଜିଛି । ଅନ୍ତିମ ସଂସ୍କାର ପାଇଁ ଲୋକେ ପ୍ରାୟ 4 କିମି ଦୂରକୁ ଯାଉଛନ୍ତି । ବର୍ଷାଦିନ ହେଲେ ବଢୁଛି ସେମାନଙ୍କ ଦୁଃଖ । ବିପଦଜନକ ଭାବେ ନଦୀପାର ହୋଇ ଶେଷକୃତ୍ୟ କାର୍ଯ୍ୟ କରୁଛନ୍ତି (villagers cross flooded river for last rites in rayagada) । ଯାହା ଏ ଚିତ୍ର ଦେଖିଲେ ସ୍ପଷ୍ଟ ଅନୁମାନ ହେଉଛି । ଟିକେ ଅସାବଧାନତା ଯୋଗୁଁ ନଦୀର ପ୍ରଖର ସ୍ରୋତରେ କାରଣ ଜୀବନ ମଧ୍ୟ ଯାଇପାରେ ।
ଏହା ମଧ୍ୟ ପଢ଼ନ୍ତୁ: ଛାତ୍ର ମାଡ଼ରେ ଛାତ୍ରର ମୃତ୍ୟୁ, ଶିକ୍ଷକଙ୍କ ଅବହେଳା ନେଇ ଅଭିଯୋଗ କଲେ ପରିବାର
ଚଳିତ ମାସ ଗତ 18 ତାରିଖ ଦିନ ଡିମୁଣ୍ଡି ଗ୍ରାମର ଜଣେ ମହିଳାଙ୍କ ମୃତ୍ୟୁ ଘଟିଥିବାବେଳେ ତାଙ୍କ ମୃତଦେହ ମଶାଣିକୁ ନେବା ଚିତ୍ର ଅତି ହୃଦୟ ବିଦାରକ ଥିଲା । ଗୋଟିଏ ପଟେ ଲଗାଣ ବର୍ଷା ଯୋଗୁଁ ଛୋଟ ବଡ ନଦୀ ନାଳରେ ବନ୍ୟା ପାଣି ପ୍ରବାହିତ ହେଉଛି । କିନ୍ତୁ ଜୀବନକୁ ବାଜି ଲଗାଇ ମୃତଦେହ ଧରି ଏକ ଦଉଡି ସାହାଯ୍ୟରେ ନଦୀପାର ଚିତ୍ର ବର୍ତ୍ତମାନ ଚର୍ଚ୍ଚାର ବିଷୟ ପାଲଟିଛି । 2006 ମସିହାରେ ଉତ୍କଳ ଆଲୁମିନା କାରଖାନା ହେବା ପରଠୁ ଏଭଳି ଘଟଣା ଘଟୁଥିବା କୁହାଯାଇଛି । ଏଦିଗରେ କମ୍ପାନୀ କର୍ତ୍ତୃପକ୍ଷ କୌଣସି ପଦକ୍ଷେପ ନେଇନାହାଁନ୍ତି । ତେଣୁ ତୁରନ୍ତ ଏଥିପ୍ରତି ଦୃଷ୍ଟି ଦେବାକୁ ସାଧାରଣରେ ଦାବି ହୋଇଛି ।
ଇଟିଭି ଭାରତ, ରାୟଗଡ଼ା
