ରାୟଗଡା: ରାୟଗଡାରେ କଡାକଡି ହେଲା ଲକ୍ ଡାଉନ୍ । ଲକ୍ ଡାଉନ୍କୁ ବେଖାତିର କରୁଥିବା ଲୋକଙ୍କ ଉପରେ ଅଙ୍କୁଶ ଲଗାଇବ ରାୟଗଡା ପୋଲିସ୍ । ବୁଧବାର ଠାରୁ ଦୋକାନ ବଜାର ଖୋଲିବା ସମୟକୁ 12 ଘଣ୍ଟାରୁ 4 ଘଣ୍ଟାକୁ ସିମିତ କରିଛି ପ୍ରଶାସନ । ଏହାକୁ ନେଇ ସ୍ଥିତ ଅନୁଧ୍ୟାନ କରିବା ପାଇଁ ସହରର ବିଭିନ୍ନ ଗଳି କନ୍ଦିରେ ଘୁରି ବୁଲୁଛନ୍ତି ରାୟଗଡା ଏସ୍ପି ସମେତ ପ୍ରଶାସନିକ ଅଧିକାରୀ । ବିଭିନ୍ନ ଛକ ବୁଲି ଯୋଜନାବଦ୍ଧ ଭାବେ ପନିପରିବା ସମେତ ଅତ୍ୟାବଶ୍ୟକ ସାମଗ୍ରୀ ବିକ୍ରି ପାଇଁ ନକ୍ସା ପ୍ରସ୍ତୁତ କରୁଛନ୍ତି ଏସ୍.ପି ।
ରାୟଗଡାରେ କଡାକଡି ହେଲା ଲକ୍ ଡାଉନ୍
ଏହା ସହ ବିଗତ ୨ ଦିନ ମଧ୍ୟରେ ବିନା କାରଣରେ ସହରରେ ବୁଲୁଥିବା ୫୦ରୁ ଅଧିକ ଲୋକଙ୍କ ଠାରୁ ବାଇକ ଜବତ କରି 26 ଜଣଙ୍କ ନାଁରେ ଥାନାରେ ମାମଲା ରୁଜୁ ହୋଇଛି । ଏନେଇ ରାୟଗଡା ଏସପିଙ୍କ ସହିତ ଅଧିକ ଆଲୋଚନା କରିଛନ୍ତି ଆମ ସମ୍ବାଦଦାତା ।
ରାୟଗଡାରୁ ରଞ୍ଜନ ରଥ, ଇଟିଭି ଭାରତ
