ରାୟଗଡ଼ା: ଦୁର୍ଘଟଣାଗ୍ରସ୍ତ ହୋଇଛି ସମଲେଶ୍ବରୀ ଏକ୍ସପ୍ରେସ । ହାୱଡାରୁ ଜଗଦଲପୁର ଯାଉଥିବା ଏହି ଟ୍ରେନଟି କେଉଟଗୁଡ଼ା ନିକଟରେ ଅନ୍ୟ ଏକ ଇଞ୍ଜନ ସହ ସାମ୍ନାସାମ୍ନି ଧକ୍କା ହୋଇଛି । ଦୁର୍ଘଟଣା ପରେ ସମଲେଶ୍ବରୀ ଏକ୍ସପ୍ରେସରେ ଅଗ୍ନିକାଣ୍ଡ ଘଟିଛି ।
ଭିଡ଼ିଓ ସୌଜନ୍ଯ: ସମ୍ବାଦଦାତା, ରାୟଗଡ଼ା
ତେବେ ଏକ୍ସପ୍ରେସ ଦୁର୍ଘଟଣାରେ ସିନିଅର ସେକ୍ସନ ଇଞ୍ଜିନିୟର ସାଗର, ଟେକ୍ନିକାଲ ଇଞ୍ଜିନିୟର ଗୌରୀ ନାଇଡ଼ୁ ଓ ଟାଓ୍ୱାର କାର ଟେକ୍ନିସିଆନ ସୁରେଶର ମୃ୍ତ୍ୟୁ ଘଟିଥିବା ସୂଚନା ମିଳିଛି । ତେବେ ଆହତଙ୍କ ସୂଚନା ମିଳିପାରିନାହିଁ । ସମଲେଶ୍ବରୀ ଏକ୍ସପ୍ରେସରେ ଅଗ୍ନିକାଣ୍ଡ ଘଟିବା ସହ ଦୁଇଟି ବଗି ଜଳି ଯାଇଥିବା ମଧ୍ୟ ସୂଚନା ମିଳିଛି ।
ଟ୍ରାକରେ କାମ କରୁଥିବା ଏକ ଇଞ୍ଜନ (ଟାଓ୍ୱାର କାର)କୁ ସାମ୍ନାପଟୁ ଧକ୍କା ଦେଇଥିଲା ସମଲେଶ୍ବରୀ ଏକ୍ସପ୍ରେସ । ଘଟଣାସ୍ଥଳରେ ରେଲବାଇ ପୋଲିସ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛି ।
ରାୟଗଡ଼ାରୁ ରଞ୍ଜନ ରଥ ଓ କୋରାପୁଟରୁ ସିଏଚ୍ ଶାନ୍ତାକାର, ଇଟିଭି ଭାରତ
