ରାୟଗଡ଼ା: ସହରରେ ଦିନକୁ ଦିନ ବଢିବାରେ ଲାଗିଛି ଚୋରି, ରାହାଜାନି ଭଳି ଘଟଣା । ଲୁଟେରା ଗ୍ୟାଙ୍ଗ ପୋଲିସକୁ ଦେଉଛନ୍ତି ଖୋଲା ଚାଲେଞ୍ଜ । ସହରରେ କ୍ରମାଗତ ଭାବେ ଚୋରି ଘଟଣା ବୃଦ୍ଧି ପାଉଥିବାବେଳେ ବୁଧବାର ପୁଣି ବିଶ୍ୱ ବାସୁ ରାଜଗୁରୁଙ୍କ ଘରେ କିଛି ଦୁର୍ବୃତ୍ତ କଳାକନା ବୁଲାଇ ଦେଇଛନ୍ତି । ସ୍ଥାନୀୟ ହାତୀପଥର ରୋଡ଼ ନିକଟରେ ଥିବା ରାଜଗୁରୁଙ୍କ ଘରୁ ତାଲା ତାଡି ଘରୁ ଏକ ଲକ୍ଷଟଙ୍କା ସମେତ ସୁନା ଅଳଙ୍କାର ଲୁଟି ନେଇଥିବା ଅଭିଯୋଗ ହୋଇଛି । ଏନେଇ ପୋଲିସ ଘଟଣାର ତଦନ୍ତ ଆରମ୍ଭ କରିଛି ।
ସୂଚନା ଅନୁସାରେ, କୌଣସି ଜରୁରୀ କାମରେ ପରିବାର ଲୋକେ ଗତ ରବିବାର ଦିନ ବ୍ରହ୍ମପୁର ସହରକୁ ଯାଇଥିଲେ । ଘରେ କେହି ନଥିବା ସୁଯୋଗ ନେଇ ଘରେ କଳା କନା ବୁଲାଇଛନ୍ତି ଲୁଟେରା ଗ୍ୟାଙ୍ଗ । ଏନେଇ ଟାଉନ ଥାନାରେ ଏତଲା ଦାୟର ପରେ ଥାନା ଅଧିକାରୀ ପହଞ୍ଚି ସାଇଣ୍ଟିଫିକ ଟିମ ଓ ସନ୍ଧାନୀ କୁକୁର ସାହଯ୍ୟରେ ତନାଘନା ଚାଲିଛନ୍ତି । ସପ୍ତାହକ ମଧ୍ୟରେ ସହରରେ ଏଭଳି 4ଟି ଘଟଣା ଘଟିଥିଲେ ମଧ୍ୟ ଗ୍ୟାଙ୍ଗକୁ କାବୁ କରି ପାରିନାହିଁ ପୋଲିସ ।
ରାୟଗଡାରୁ ରଞ୍ଜନ ରଥ, ଇଟିଭି ଭାରତ
