ରାୟଗଡା: ଜିଲ୍ଲାରୁ ପୁଣି କୋରୋନା ସ୍ବାବ ନମୁନା ପଠାଗଲା । ରାୟଗଡା ଜିଲ୍ଲାରୁ ପୂର୍ବରୁ ଶୁକ୍ରବାର ଦିନ ପ୍ରଥମ ପର୍ଯ୍ୟାୟରେ 7 ଜଣଙ୍କ ସ୍ବାବ ନମୁନା ପଠାଯାଇଥିଲାବେଳେ ବର୍ତ୍ତମାନ ପୁଣି 10 ଜଣଙ୍କ ସ୍ବାବ ନମୁନାକୁ ଭୁବନେଶ୍ବରର ସ୍ଥିତ ଆରଏମଆରସି ପରୀକ୍ଷାଗାରକୁ ପଠାଯାଇଛି ।
ରାୟଗଡ଼ା ସିଡିଏମଓ ତଥା ଜିଲ୍ଲା ସ୍ବାସ୍ଥ୍ୟ ଅଧିକାରୀଙ୍କୁ ଆର୍ତ୍ତବନ୍ଧୁ ନାୟକଙ୍କୁ ଆଜି ଇଟିଭି ଭାରତକୁ ଏକ ସ୍ବତନ୍ତ୍ର ସାକ୍ଷାତକାର କହିଛନ୍ତି । ରାୟଗଡା ଜିଲ୍ଲାର ମହାମାରୀ କୋରୋନାର ସ୍ଥିତି ଉପରେ ଆଲୋଚନା କରିଛନ୍ତି । ଜିଲ୍ଲାରେ ମୋଟ 939 ଗ୍ରାମରୁ ମଧ୍ୟରୁ 2671 ଜଣ ହୋମ କ୍ବାରେଣ୍ଟାଇନରେ ରହିଥିଲେ । ସେମାନଙ୍କ ମଧ୍ୟରୁ ୩୧୮ ଜଣକୁ ମୁକ୍ତ କରାଯାଇଛି । ଗତ ୧୪ ଦିନ କ୍ବାରେଣ୍ଟାଇନ ହୋମର ଅବଧି ସାରିଛନ୍ତି ଏବଂ ସେମାନଙ୍କ ମଧ୍ୟରେ କୋରୋନାର କୌଣସି ଲକ୍ଷଣ ନଥିବା ସିଡ଼ିଏମଓ କହିଛନ୍ତି ।
ରାୟଗଡା ଜିଲ୍ଲାରେ କୌଣସି କୋରୋନା ପଜିଟିଭ ବାହାରି ନଥିବା କହିଛନ୍ତି । ବର୍ତ୍ତମାନ ପର୍ଯ୍ୟନ୍ତ କୋରୋନା ସ୍ବାବ ନମୁନାର କୌଣସି ରିପୋର୍ଟ ଆସିନଥିବା ଜିଲ୍ଲା ସ୍ବାସ୍ଥ୍ୟ ଅଧିକାରୀ ପ୍ରକାଶ କରିଛନ୍ତି ।
ରାୟଗଡାରୁ ରଞ୍ଜନକୁମାର ରଥ, ଇଟିଭି ଭାରତ
