ରାୟଗଡା : ସରପଞ୍ଚ ଉପନିର୍ବାଚନରେ ପ୍ରାର୍ଥୀପତ୍ର ନାକଚ ପରେ ରାୟଗଡ ବ୍ଲକ ଅଫିସରେ ହଟ୍ଟଗୋଳ । କଂଗ୍ରେସ ଦଳ ପକ୍ଷରୁ ତ୍ରୀବ ପ୍ରତିବାଦ କରାଯାଇଛି । ନିୟମ ଅନୁସାରେ ନିର୍ବାଚନ ଅଧିକାରୀ ତଥା ବିଡିଓ କାମ କରିନଥିବା ଅଭିଯୋଗ ହୋଇଛି । ଯାହାକୁ ନେଇ କଂଗ୍ରେସକର୍ମୀ ବ୍ଲକ ଅଫିସ ପରିସରରେ ପ୍ରବଳ ପାଟିତୁଣ୍ଡ କରିଛନ୍ତି ।
ସୋମବାର ପ୍ରାର୍ଥୀ ପତ୍ର ଦାଖଲ କରିବାର ଶେଷ ଦିନ ଥିଲା । ମଙ୍ଗଳବାର ପ୍ରାର୍ଥୀପତ୍ର ଯାଞ୍ଚ କରାଯାଇଥିଲା । ଯାଞ୍ଚ ବେଳେ 4 ଜଣ ପ୍ରାର୍ଥୀଙ୍କ ମଧ୍ୟରୁ 3 ଜଣ ନାକଚ କରାଯାଇଛି । ଏଥିରେ ତାପସ ତାଡିଙ୍ଗିଙ୍କ ନାମ ରହିଛି । ଯାହା ଜଣାପଡିବା ପରେ ତାଙ୍କ ସମର୍ଥକ ଓ କଂଗ୍ରେସକର୍ମୀ ବ୍ଲକ ଅଫିସରେ ହୋହ୍ଲାଲା କରିବା ସହ ଅଭିଯୋଗ ଆଣିଥିଲେ ।
ସେପଟେ, ପରିସ୍ଥିତି ଅଣାୟତ ହେବାରୁ ବ୍ଲକ ଅଫିସ ପରିସରରେ ପୋଲିସ ମୁତୟନ କରାଯାଇଥିଲା । ବ୍ଲକ କାର୍ଯ୍ୟାଳୟ ପରିସରରେ ଏକଜ୍ୟୁକେଟିଭ ମାଜିଷ୍ଟେଟ ତଥା ରାୟଗଡା ତହସିଲଦାର ପହଞ୍ଚିବା ପରେ ସେମାନଙ୍କୁ ବୁଝାସୁଝା କରି ପ୍ରାର୍ଥୀପତ୍ରକୁ ଅନ୍ୟ ଏକ କୋଠରୀରେ ରଖି ସିଲ କରିଥିଲେ । ଏନେଇ ଆଜି(ବୁଧବାର) ସିଲ କୋଠରୀରେ ରହିଥିବା ପ୍ରାର୍ଥୀପତ୍ରକୁ ଆଇନ ଅନୁସାରେ ସୂତନା ଦେବାକୁ ନିଷ୍ପତ୍ତି ହୋଇଛି ।
ରାୟଗଡାରୁ ରଞ୍ଜନ କୁମାର ରଥ, ଇଟିଭି ଭାରତ
