ରାୟଗଡା: ବଡଧରଣର ଜୁଆଆଡ୍ଡା ଉପରେ ଚଢାଉ, ୧୫ ଗିରଫ । ୧୨ଟି ଚାରିଚକିଆ ଯାନ, ଅଟୋ ସହ ଲକ୍ଷାଧିକ ଟଙ୍କା ଜବତ କଲା ପୋଲିସ। ଦଲାଲକୁ ଗିରଫ କରିବାକୁ ପୋଲିସ ଉଦ୍ୟମ ଜାରି ।
ଗୁଣପୁର ପୋଲିସ ରାୟଗଡା-ଗଜପତି ଜିଲ୍ଲା ସୀମାନ୍ତ ବୁତ୍ତିର୍ଗୁଡା ଗ୍ରାମ ନିକଟସ୍ଥ ଏକ କାଜୁବାଡରେ ବଡଧରଣର ଜୁଆଆଡ୍ଡା ଉପରେ ଚଢାଉ କରିଛି । ଗୁଣପୁର ବ୍ଲକର ବୁତ୍ତିର୍ଗୁଡା ଗ୍ରାମ ନିକଟସ୍ଥ ଜଙ୍ଗଲରେ ବଡଧରଣର ଜୁଆ ଆଡ୍ଡା ଚାଲୁଥିବା ସମ୍ପକର୍ରେ ପୋଲିସ ସୂଚନା ପାଇଥିଲା । ଏହା ପରେ ଚଢାଉ ଆରମ୍ଭ କରିଥିଲା ଚଢାଉବେଳେ ଜୁଆଡିମାନେ ଛତ୍ରଭଙ୍ଗ ଦେବାକୁ ଉଦ୍ୟମ କରୁଥିବାବେଳେ ପୋଲିସ କାବୁ କରିଛି । ଆନ୍ଧ୍ରର ଶ୍ରୀକାକୁଲମ ଓ ଗଜପତି ଜିଲ୍ଲାର ୧୫ ଜଣ ଜୁଆଡିଙ୍କୁ ପୋଲିସ ଗିରଫ କରିଛି । ଏହାସହ ୧୨ଟି କାର, ଗୋଟିଏ ଅଟୋ ସେମତ ୧୯ଟି ମୋବାଇଲ, ୨ ଲକ୍ଷ ୨୫ ହଜାର ୯୯୦ ଟଙ୍କା ଜବତ କରିଛି ପୋଲିସ । ଏହା ସହ ବିପୁଳ ପରିମାଣର ତାସ ଜବତ କରିଛି ।
ଆନ୍ଧ୍ର ଓ ଓଡିଶା ସୀମାନ୍ତରେ କିଛି ଦଲାଲ ଏହିଭଳି ଜୁଆ ଆଡ୍ଡା ଚଲାଉଥିବା ଜଣାପଡି ଥିବାବେଳେ ପୋଲିସ ଏବେ ଦଲାଲକୁ ଗିରଫ କରିବା ପାଇଁ ଚଢାଉ ଆରମ୍ଭ କରିଦେଇଛି । ଗିରଫ ୧୫ ଅଭିଯୁକ୍ତଙ୍କୁ ଆଜି ସନ୍ଧ୍ୟାରେ କୋର୍ଟଚାଲାଣ କରାଯାଇଛି ।
ସବୁଠାରୁ ବଡ କଥା ଜୁଆଡିମାନେ ଅତି ଚାଲାକରେ ଜୁଆ ଆଡ୍ଡାରେ ଟଙ୍କା ନ ନେଇ ମୋବାଇଲରେ ଟଙ୍କା ଟ୍ର।ନ୍ସଫର କିମ୍ବା ଟୋକେନ ମାଧ୍ୟମରେ ଖେଳୁଥିବା ତଦନ୍ତ ସମୟରେ ଜଣାପଡିଛି ।
ରାୟଗଡାରୁ ରଞ୍ଜନ କୁମାର ରଥ, ଇଟିଭି ଭାରତ
