ରାୟଗଡା: ନକ୍ସଲ ଅଧ୍ୟୁଷିତ ରାୟଗଡା ଜିଲ୍ଳା ପୋଲିସକୁ ଆଉ ଏକ ସଫଳତା । କଲ୍ୟାଣସିଂହପୁର ଥାନା ପୋଲିସ ବଂଶଧାରା ଘୁମସର ନାଗାବଳୀ ଡିଭିଜନର ଜଣେ ହାର୍ଡକୋର ନକ୍ସଲ ସମର୍ଥକକୁ ଗିରଫ କରିଛି । ଏନେଇ ଶନିବାର ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ଜିଲ୍ଲା ଏସ.ପି ।
ତେବେ ଗିରଫ ନକ୍ସଲ ସମର୍ଥକ ହେଲୋ ସିକୁନୁ ଶିକକା । ସେ ବିଗତ ୨ବର୍ଷ ଧରି ପୋଲିସ ୱାଣ୍ଟେଡ ଲିଷ୍ଟରେ ରହିଥିଲା । ପୋଲିସର କହିବାନୁଯାୟୀ ସେ ନକ୍ସଲଙ୍କ ସହ ମିଶି ନିୟମଗିରି ଅଞ୍ଚଳରେ ସରକାରଙ୍କ ଦ୍ବାରା ଚାଲୁ ରହିଥିବା ବିଭିନ୍ନ ଉନ୍ନୟନମୂଳକ କାମରେ ପ୍ରତିବାଦ କରିବା ସହ ଅଞ୍ଚଳରେ ବସବାସ କରୁଥିବା ଡଙ୍ଗରିଆ କନ୍ଧଙ୍କୁ ସରକାରଙ୍କ ବିରୋଧରେ ମତେଇବା ଏବଂ ତାଙ୍କ ଜଙ୍ଗଲ ଜମିରେ ଜୋର ଜବରଦସ୍ତ ଚାଷ କରୁଥିଲା ।
ଭିଡିଓ ସୌଜନ୍ୟ: ସମ୍ବାଦଦାତା, ରାୟଗଡା
ବିଗତ ଦିନମାନଙ୍କରେ ଘଟିଥିବା ଏକାଧିକ ନକ୍ସଲ ହିଂସାରେ ସେ ଜଡିତ ରହିଥିବା ନେଇ ରାୟଗଡା ଏସ.ପି.ପ୍ରକାଶ କରିଛନ୍ତି । ସେହିପରି ତା’ପାଖରୁ ୪ଟି ମାଓ ପୋଷ୍ଟର ମଧ୍ୟ ଜବତ କରାଯାଇଛି ।
ରାୟଗଡାରୁ ରଞ୍ଜନ ରଥ, ଇଟିଭି ଭାରତ
