ରାୟଗଡା: ଟାଉନ୍ ଥାନା ପୁଲିସ ପକ୍ଷରୁ ସୋମବାର ବିପୁଳ ପରିମାଣର ଗଞ୍ଜେଇ ଜବତ କରାଯିବା ସହ ଘଟଣାରେ ଟ୍ରକ ଡ୍ରାଇଭର ଓ ହେଲପରକୁ ଗିରଫ କରାଯାଇଛି । ଟ୍ରକ ଯୋଗେ ଗଞ୍ଜେଇ ଚୋରାଚାଲାଣ ହେଉଥିବା ବେଳେ ପ୍ରାୟ 1 କ୍ବିଣ୍ଟାଲ୍ 90 କିଲୋଗ୍ରାମର ଗଞ୍ଜେଇକୁ ପୋଲିସ ଜବତ କରିଛି । ଏହାର ଆନୁମାନିକ ମୂଲ୍ୟ ପ୍ରାୟ 20 ଲକ୍ଷରୁ ଉର୍ଦ୍ଧ୍ବ ଟଙ୍କା ହେବ ବୋଲି ଟାଉନ ଥାନା ଅଧିକାରୀ ନିହାର ରଞ୍ଜନ ପ୍ରଧାନ ସୂଚନା ଦେଇଛନ୍ତି ।
1 କ୍ବିଣ୍ଟାଲରୁ ଉର୍ଦ୍ଧ୍ବ ଗଞ୍ଜେଇ ଜବତ, 2 ଗିରଫ
କୋରାପୁଟ ଜିଲ୍ଲାର ପାଡୁଆ ଅଞ୍ଚଳରୁ ଛତିଶଗଡ ରାଜ୍ୟର ରାଇପୁରକୁ ଏକ ଟ୍ରକ ଯୋଗେ ଗଞ୍ଜେଇ ଚାଲାଣ ହେଉଥିବା ବେଳେ ଟାଉନ ଥାନା ପୋଲିସ ଗାଡିକୁ ଅଟକ ରଖିଥିଲା ପରେ ଜରିବସ୍ତାରେ ଅଦା ପ୍ୟାକିଂ ହୋଇଥିବା ବେଳେ କିଛି ବସ୍ତାରେ ଗଞ୍ଜେଇ ରଖାଯାଇଥିବା ଜଣାପଡିଥିଲା । ତେବେ ପୋଲିସ ଗିରଫ ଦୁଇ ଡ୍ରାଇଭର ଓ ହେଲପରଙ୍କ ନାମ ପ୍ରକାଶ କରିନଥିବା ବେଳେ ଘଟଣାର ଅଧିକ ଖୋଳତାଡ କରାଯାଉଛି ବୋଲି ଟାଉନ୍ ଥାନା ଅଧିକାରୀ ସୂଚନା ଦେଇଛନ୍ତି ।
ରାୟଗଡାରୁ ରଞ୍ଜନ ରଥ, ଇଟିଭି ଭାରତ
