ରାୟଗଡା: ବିନା ଭକ୍ତକୁ ଦର୍ଶନ ଦେଇ ଫେରିଗଲେ ମା’ । କୋଭିଡ କଟକଣା ଭିତରେ ଆସିଲେ ମା' ହେଲେ ଦର୍ଶନ ନପାଇ ନିରାଶ ହେଲେ ଭକ୍ତ । ବିଦାୟ ବେଳେ ବି ପାଛୋଟି ଆଣିଥିବା ଭକ୍ତ ମେଲାଣି ବେଳେ ମା'ଙ୍କୁ ସାଥିରେ ରହିପାରିଲେନି ଭକ୍ତ ।
ଭକ୍ତ ଆଉ ଭଗବାନ ମଧ୍ୟରେ କୋରୋନା ସଜିଲା ବାଧକ । କଟକଣା ମଧ୍ୟରେ ଦୁର୍ଗତିନାସିନୀ ଦେବୀ ଦୁର୍ଗାଙ୍କ ପୂଜା ପରଦା ଆଢୁଆଳରେ କରାଯାଇଥିବା ବେଳେ ଆଜି ମା'ଙ୍କ ଭସାଣି ଉତ୍ସବ ମଧ୍ୟ କଟକଣା ମଧ୍ୟରେ ହାତ ଗଣତି କମଟି ସଭ୍ୟଙ୍କ ମଧ୍ୟରେ ପାଳିତ ହୋଇଛି । ଏହେଉଛି ରାୟଗଡା ଜିଲ୍ଲାର ସର୍ବ ପୁରାତନ ଦୁର୍ଗା ପୂଜା । ଏଠି ମାଁ ୬୦ ବର୍ଷ ଧରି ପୂଜାପାଇ ଆସୁଛନ୍ତି । ବିଗତ ଷଷ୍ଠି ଠାରୁ ମା' ଦୁର୍ଗାଙ୍କୁ ମଣ୍ଡପରେ ପୂଜା ପରେ ପୂଜାର୍ଚ୍ଚନା ପରେ ଆଜି ମେଲାଣି ଦିଆଯାଇଛି । ଯେଭଳି କଟକଣା ମଧ୍ୟରେ ପରଦା ଆଢୁଆଳରେ ପୂଜା ମଣ୍ଡପରେ ବିନା ଭକ୍ତରେ ମା' ଙ୍କୁ ପୂଜା କରାଯାଇଛି ।
ଠିକ ସେହିଭଳି ମା'ଙ୍କୁ ଭସାଣି ଉତ୍ସବ ବ୍ୟଥିତ କରିଛି ଭକ୍ତକୁ । ଆଉ ଫୁଟି ନାହିଁ ବାଣ କି ବାଜି ନାହିଁ ଭଳିକି ଭଳି ବଜା ସାଙ୍ଗକୁ ସାଂସ୍କୃତିକ ଦଳଙ୍କ ନୃତ୍ୟ । କେବଳ ଘଣ୍ଟ ଓ ଢୋଲ ମହୁରୀରେ ମା' ଙ୍କୁ ମେଲାଣି ଦେଇଛନ୍ତି ରାୟଗଡା ବ୍ରାହ୍ମଣସାହି ବାସୀ । ହେଲେ ଏବେ ମଧ୍ୟ ଆଶା ବାନ୍ଧିଛନ୍ତି ଆସନ୍ତା ଥରକୁ ଦେଶ କୋରୋନା ମୁକ୍ତ ହେଲେ ପୁଣି ଜାକଜମକରେ ହେବ ମା’ଙ୍କ ପୂଜା ।
ରାୟଗଡାରୁ ରଞ୍ଜନ କୁମାର ରଥ,ଇଟିଭି ଭାରତ