ରାୟଗଡ଼ା:ଶିଶୁ ଶ୍ରମିକ ନିୟୋଜନ ଅଭିଯୋଗରେ ପୂର୍ତ୍ତ ବିଭାଗ ନାମରେ ମାମଲା ରୁଜୁ କଲା ଶ୍ରମ ବିଭାଗ । ରାୟଗଡା ଜିଲ୍ଲା ଶ୍ରମ ବିଭାଗ ପକ୍ଷରୁ ରାୟଗଡା ଥାନାରେ ପୂର୍ତ୍ତ ବିଭାଗ ନାମରେ ଏକ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି ପୋଲିସ।
ସୂଚନାମୁତାବକ, ଗତ ୫ ତାରିଖ ରାତିରେ ଜିଲ୍ଲା ମୁଖ୍ୟ ଚିକିତ୍ସାଳୟ ପରିସରରେ ନିର୍ମାଣଧିନ ଅକ୍ସିଜେନ ପ୍ଲାଣ୍ଟରେ ୧୨ ଜଣ ଶିଶୁ ଶ୍ରମିକ କାର୍ଯ୍ୟ କରୁଥିଲେ । ଏହା ଜଣାପଡିବା ପରେ ଶ୍ରମ ବିଭାଗ ଓ ଚାଇଲ୍ଡ ଲାଇନ ମିଳିତ ଭାବେ ଉକ୍ତ ଶିଶୁ ଶ୍ରମିକମାନଙ୍କୁ ଉଦ୍ଧାର କରି ସେମାନଙ୍କ ପରିବାର ଲୋକଙ୍କୁ ହସ୍ତାନ୍ତର କରାଯାଇଥିଲା । ଏହି ଘଟଣା ନେଇ ସହକାରୀ ଶ୍ରମ ଅଧିକାରୀଙ୍କ ଦ୍ବାରା ରାୟଗଡା ଥାନାରେ ଏକ ମାମଲା ପୂର୍ତ୍ତ ବିଭାଗ ନିର୍ବାହୀ ଯନ୍ତ୍ରୀ ଓ ଠିକାଦାର ନାମରେ ରୁଜୁ ହୋଇଛି ।
ଜଣେ ଡିଏସପି ଏହି ଘଟଣାର ତଦନ୍ତ ବର୍ତ୍ତମାନ କରୁଥିବା ସୂଚନା ଦେଇଛନ୍ତି ଅତିରିକ୍ତ ଏସପି । ତେବେ ଏହି ଘଟଣା ବର୍ତ୍ତମାନ ଜିଲ୍ଲାରେ ଚର୍ଚ୍ଚାର ବିଷୟ ପାଲଟିଛି।
ରାୟଗଡ଼ାରୁ ରଞ୍ଜନ କୁମାର ରଥ, ଇଟିଭି ଭାରତ
