ବିରଳ ପ୍ରଜାତିର ବଜ୍ରକାପ୍ତା ଉଦ୍ଧାର, ଜଣେ ଗିରଫ

ବିରଳ ପ୍ରଜାତିର ଏକ ବଜ୍ରକାପ୍ତାକୁ ମୁନିଗୁଡା ବନବିଭାଗ ଏକ ଘରୁ ଉଦ୍ଧାର କରାଯାଇଛି। ଉଦ୍ଧାର ମାଈ ବଜ୍ରକାପ୍ତାଟିର ବୟସ 10ବର୍ଷରୁ ଊର୍ଦ୍ଧ୍ବ ହୋଇଥିବା ବେଳେ ତାହାର ଲମ୍ବା 95ସେ.ମି ରହିଛି । ତେବେ ବଜ୍ରକାପ୍ତାର ଚିକିତ୍ସା ପରେ ଏହାକୁ ନନ୍ଦନକାନରେ ଛାଡିବାର ବ୍ୟବସ୍ତା କରାଯାଉଥିବା  ପ୍ରକାଶ କରିଛନ୍ତି ।

ରାୟଗଡା: ବିରଳ ପ୍ରଜାତିର ଏକ ବଜ୍ରକାପ୍ତାକୁ ମୁନିଗୁଡା ବନବିଭାଗ ଜଣଙ୍କ ଘରୁ ଉଦ୍ଧାର କରିଛି। ଏଥିସହ ଘରେ ରଖିଥିବା କାସୁ ନାମକ ଜଣେ ବ୍ୟକ୍ତିକୁ ଗିରଫ କରିଛି ବନ ବିଭାଗ ।

ଖବରମୁତାବକ, ପଙ୍କାଳଗୁଡି ସଂରକ୍ଷିତ ଜଙ୍ଗଲରୁ ଏକ ବଜ୍ରକାପ୍ତା ଆଣି ମୁଦିଗୁଡା ଗ୍ରାମର କାସୁ ଦିବକା ନିଜ ଘରେ ରଖିଥିଲା । ଖବର ପାଇ ମୁନିଗୁଡା ବନ ବିଭାଗ ଦ୍ଵାରା ଚଢ଼ାଉ କରି ଉକ୍ତ ବଜ୍ରକାପ୍ତା କୁ ଉଦ୍ଧାର କରିବା ସହ କାସୁକୁ ଗିରଫ କରାଯାଇଛି ।

ଉଦ୍ଧାର ମାଈ ବଜ୍ରକାପ୍ତାଟିର ବୟସ 10ବର୍ଷରୁ ଉର୍ଦ୍ଧ ହୋଇଥିବା ବେଳେ ତାହାର ଲମ୍ବା 95ସେ.ମି ରହିଛି । ତେବେ ବଜ୍ରକାପ୍ତାର ଚିକିତ୍ସା ପରେ ଏହାକୁ ନନ୍ଦନକାନରେ ଛାଡିବାର ବ୍ୟବସ୍ତା କରାଯାଉଥିବା ପ୍ରକାଶ କରିଛନ୍ତି ।

ରାୟଗଡାରୁ ରଞ୍ଜନ ରଥ, ଇଟିଭି ଭାରତ