ରାୟଗଡା: ସ୍ବାଧୀନତା ଦିବସ ଅବ୍ୟବହିତ ପୂର୍ବରୁ ଜିଲ୍ଲାରେ ହାଇ ଆଲର୍ଟ । ମାଓ ପ୍ରବଣ ରାୟଗଡା ଜିଲ୍ଲାରେ ସ୍ବାଧୀନତା ଦିବସ ପାଳନକୁ ନେଇ ଜିଲ୍ଲା ପୋଲିସ ପ୍ରସ୍ତୁତି ଜୋରଦାର କରିଛି ।
ସ୍ବାଧୀନତା ଦିବସ ପୂର୍ବରୁ ରେଡ ଆଲର୍ଟ, କୁମ୍ବିଙ୍ଗ ଅପରେସନ୍ ଜୋରଦାର
ସମ୍ବେଦନଶୀଳ ଅଞ୍ଚଳରେ କୁମ୍ବିଙ୍ଗକୁ ଜୋରଦାର କରିଥିବା ବେଳେ ଆନ୍ଧ୍ର ଓଡିଶା ସୀମାକୁ ସିଲ୍ କରିଦିଆଯାଇଛି । ସହରକୁ ପ୍ରବେଶ ଦ୍ବାରରେ ବ୍ଲକିଙ୍ଗ, ଚେକିଂକୁ ବ୍ୟାପକ କରାଯାଇଛି । ସେହିଭଳି ପରେଡ ଗ୍ରାଉଣ୍ଡରେ ତ୍ରିସ୍ତରୀୟ ସୁରକ୍ଷା ବ୍ୟବସ୍ଥା ସହିତ ରୁଫ ଟପ୍ ଏବଂ କ୍ଵିକ୍ ଆକ୍ସନ ଟିମ୍ର ବ୍ୟବସ୍ଥା କରାଯାଇଛି । ସେହିପରି ସହର ଭିତରେ ସୁରକ୍ଷା ପାଇଁ 7 ପ୍ଲାଟୁନ ପୋଲିସ ଫୋର୍ସ ମୁତୟନ କରାଯାଇଛି ।
ତେବେ ଜିଲ୍ଲାରେ ହାଇ ଆଲର୍ଟ ଜାରି ହେବା ସହ ଟ୍ରାଫିକ ବ୍ୟବସ୍ଥାକୁ ମଧ୍ୟ କଡାକଡି କରାଯାଇଥିବା କହିଛି ପୋଲିସ ।
ରାୟଗଡାରୁ ରଞ୍ଜନ ରଥ, ଇଟିଭି ଭାରତ
