ରାୟଗଡ଼ା: ଦନ୍ତାକୁ ଦେଖି ନୂଆଗାଁ ଲୋକ ଭୟଭୀତ । ରାୟଗଡ଼ା ଜିଲ୍ଲା ମୁନିଗୁଡା ରେଞ୍ଜ ଅଧିନସ୍ଥ ନୂଆଗାଁ ନିକଟରେ ଦନ୍ତା ହାତୀକୁ ଦେଖି ଲୋକେ ଭୟଭୀତ ହୋଇଛନ୍ତି ।
ହାତୀଟି ବଂଶଧାରା ନଦୀରେ ପାଣି ପିଇବାକୁ ଆସିଥିବାବେଳେ ଲୋକେ ହାତୀକୁ ଦେଖି ଭୟଭୀତ ହୋଇଥିଲେ । ଏହି ଦନ୍ତାହାତୀଟି କନ୍ଧମାଳ ଜିଲ୍ଲାରୁ କୌଣସି ଏକ ହାତୀ ପଲରୁ ଅଲଗା ହୋଇ ରାୟଗଡ଼ା ଜିଲ୍ଲା ଭିତରକୁ ପଶି ଆସିଥିବା ଅନୁମାନ ବନବିଭାଗ କରୁଛି ।
ଦନ୍ତା ହାତୀକୁ ନେଇ ଭୟଭୀତ ନୁଆଗାଁ ଅଞ୍ଚଳବାସୀ
ଖବରପାଇ ବନ ବିଭାଗର ଅଧିକାରୀମାନେ ଏହି ଅଞ୍ଚଳରେ ହାତୀକୁ ଜଗି ରହିଛନ୍ତି । ଏହି ଦନ୍ତା ବ୍ୟତୀତ ଆଉ କିଛି ହାତୀ ମଧ୍ୟ ଥାଇପାରନ୍ତି ବୋଲି ଅନୁମାନ କରାଯାଉଛି । ନିକଟରେ ଜନବସତି ଥିବା ସହ ଏବେ କ୍ଷେତରେ ଧାନ ଫଳିବା ସମୟ ହୋଇଥିବାରୁ ଅଞ୍ଚଳବାସୀଙ୍କ ମଧ୍ୟରେ ଆତଙ୍କ ଖେଳିଯାଇଛି । ସୁରକ୍ଷା ଦୃଷ୍ଟିରୁ ଉକ୍ତ ଅଞ୍ଚଳରେ ବିଦ୍ୟୁତ ସରବରାହ ବନ୍ଦ କରଯାଇଛି।
ରାୟଗଡାରୁ ରଞ୍ଜନ ରଥ, ଇଟିଭି ଭାରତ
