ରାୟଗଡା: ଦିପାବଳୀର ଦିନଟେ ପୂର୍ବରୁ ପବିତ୍ର ଧନତେରସ । ବିଶ୍ବାସ ରହିଛି ଆଜି ଦିନରେ ସୁନା କିଣିଲେ ବର୍ଷ ଯାକ ଅର୍ଥର ଅଭାବ ନଥାଏ । ସେପଟେ କୋରୋନା କଟକଣା ଯୋଗୁଁ ଦୀର୍ଘ ଦିନ ଧରି ଖାଁଖାଁ ପଡିଥିବା ଗହଣା ଦୋକାନରେ ଭିଡ ଜମିଛି । ପୂର୍ବ ପରି ରାୟଗଡାର ଆଜି ବିଭିନ୍ନ ଗହଣା ଦୋକାନରେ ଖଚାଖଚ ଭିଡ ଦେଖିବାକୁ ମିଳିଛି ।
ଭିଡକୁ ଦୃଷ୍ଟିରେ ରଖି ଦୋକାନୀ ମାନେ ସାମାଜିକ ଦୂରତା ସହ ମାସ୍କ ପିନ୍ଧିବାକୁ ଗ୍ରହକଙ୍କୁ ପ୍ରୋତ୍ସାହିତ କରିଛନ୍ତି । ତେବେ କାରୋନାକୁ ଖାତିର ନକରି ମହିଳାମାନେ ସୁନା ଚୁଡି, କାନଫୁଲ, ମଙ୍ଗଳସୁତ୍ର ସାଙ୍ଗକୁ ସୁନା ମୁଦି କିଣୁଥିବା ଦେଖିବାକୁ ମିଳିଛି । ଗରିବଟିଏ ସୁନା କିଣି ନ ପାରିଲେ ରୂପା ସାମଗ୍ରୀଟିଏରେ ସନ୍ତୁଷ୍ଟ ହେଉଛି । ଚାହିଦା ସାଙ୍ଗକୁ ସାମାନ୍ୟ ସୁନାଦର ହ୍ରାସ ଲୋକଙ୍କୁ ଗହଣା ପ୍ରତି ଆକୃଷ୍ଟ କରିଛି । ତେବେ ଧନତେରସକୁ ନଜରରେ ରଖି ଦୁଇଦିନ ପୂର୍ବରୁ ସୁନାର ଦାମ ଖସିଥିବାରୁ ଗ୍ରହକଙ୍କ ଭିଡ ଜମିଛି । ହେଲେ ପୂର୍ବ ବର୍ଷ ଅପେକ୍ଷା ସୁନା ଗହଣାର ଦର ଆକାଶ ଛୁଆଁ ହୋଇଥିବାରୁ କିଛି ଧନତେରସରେ କାମଚଳେଇବା ପାଇଁ ଗହଣା କିଣିବା ଦେଖିବାକୁ ମିଳିଛି ।
ରାୟଗଡାରୁ ରଞ୍ଜନ ରଥ, ଇଟିଭି ଭାରତ
