ରାୟଗଡା: ଜିଲ୍ଲାରେ କୋରନା ପଜିଟିଭଙ୍କ ସଂଖ୍ୟା ୧୭ ଛୁଇଁଥିବା ବେଳେ କାଶିପୁର ବ୍ଲକ ରେ ସର୍ବାଧିକ ରହିଛି । ବିଶେଷ କରି କାଶିପୁର ବ୍ଲକର ଡଙ୍ଗାସିଲ ପଞ୍ଚାୟତ ଅନ୍ତର୍ଗତ ଅନଗାର ଏବଂ ସର୍ଗିଗୁଡା ଗ୍ରାମକୁ କଣ୍ଟେନମେଣ୍ଟ ଅଞ୍ଚଳ ଘୋଷଣା କରି ଜିଲ୍ଲା ପ୍ରଶାସନ ସମ୍ପୂର୍ଣ୍ଣ ସିଲ୍ କରିଦେଇଛନ୍ତି ।
ସୂଚନା ଅନୁସାରେ ରାୟଗଡ଼ା ଜିଲ୍ଲାର ପ୍ରଥମ କୋରୋନା ସଂକ୍ରମିତ ଦୀଲ୍ଲି ଫେରନ୍ତା ଯୁବତୀଙ୍କ ସହିତ ଅନଗାର,କୋଲନରା ଏବଂ ରାୟଗଡାର ଜଣେ ସ୍ଵାସ୍ଥ୍ୟ କର୍ମଚାରୀ ସଂସ୍ପର୍ଶରେ ଆସିବା ପରେ ଏବେ ସର୍ଗିଗୁଡା ଗ୍ରାମକୁ ବ୍ୟାପିଛି କୋରୋନା । ସର୍ଗିଗୁଡା ଗ୍ରାମର ତିନି ଯୁବକ ଡଙ୍ଗାସିଲର କନ୍ୟାଶ୍ରମରେ ଥିବା ସଂଘରୋଧ କେନ୍ଦ୍ରରେ ରହିଥିଲେ । ସେହିପରି ପଜିଟିଭ ବାହାରି ଥିବା ଡଙ୍ଗାସିଲ ସଂଘରୋଧ କେନ୍ଦ୍ରର ସୁରକ୍ଷାରେ ଅବ୍ୟବସ୍ଥା ପରିଲକ୍ଷିତ ହୋଇଛି । ମୁଖ୍ୟ ଫାଟକରେ ଜଣେ ବି ସୁରକ୍ଷାକର୍ମୀ ନଥିବାବେଳେ ପଛ ପଟେ ଥିବା ପାଚେରୀ ମଧ୍ୟ ଭାଙ୍ଗି ଯାଇଛି । ଯାହା ଫଳରେ ସଂଘରୋଧରେ ଥିବା ପ୍ରବାସୀଙ୍କ ଘୋର ଲୋକମାନେ ଅବାଧରେ ଯିବା ଆସିବା କରୁଛନ୍ତି ।
ସଂଘରୋଧ କେନ୍ଦ୍ରରୁ ସେମାନଙ୍କର ପୋଷାକ ପତ୍ର ଘରକୁ ନେଇ ସଫା କରିବା ସହ ଘରୁ ଖାଦ୍ୟ ଆଣି ଦେଉଛନ୍ତି । ତେବେ ଏଦିଗରେ ପଦକ୍ଷେପ ନ ନିଆଯାଏ ତାହେଲେ ଆଗାମୀ ଦିନରେ ଗୋଷ୍ଠୀ ସଂକ୍ରମଣ ହେବାର ସମ୍ଭାବନାକୁ ଏଡାଇ ଦିଆଯାଇପାରିବ ନାହିଁ ।
ରାୟଗଡାରୁ ରଞ୍ଜନ କୁମାର ରଥ, ଇଟିଭି ଭାରତ
