ରାୟଗଡ଼ା: କଂଗ୍ରେସର ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧୀ ଏବଂ ମହାସଚିବ ପ୍ରିୟଙ୍କା ଗାନ୍ଧୀ ହାଥରସ ଗଣଦୁଷ୍କର୍ମ ପୀଡ଼ିତାଙ୍କ ପରିବାରକୁ ଭେଟିବାକୁ ଯିବା ବାଟରେ ପୋଲିସ ଦ୍ଵାରା ଗିରଫ ଘଟଣାର ପ୍ରତିବାଦ କରିଛି କଂଗ୍ରେସ । ଏହାର ପ୍ରଭାବ ରାୟଗଡାରେ ମଧ୍ୟ ପଡିଛି । ଗୁରୁବାର ସନ୍ଧ୍ୟାରେ କଂଗ୍ରେସର ଜିଲ୍ଲା ସଭାପତି ଦୁର୍ଗ ପ୍ରସାଦ ପଣ୍ଡାଙ୍କ ନେତୃତ୍ବରେ କଂଗ୍ରେସ କର୍ମୀମାନେ ସ୍ଥାନୀୟ କପିଳାସ ଛକ ଠାରେ ରାସ୍ତା ଅବରୋଧ କରିବା ସହ ବିକ୍ଷୋଭ ପ୍ରଦର୍ଶନ କରିଥିଲେ ।
ରାହୁଲ ଗାନ୍ଧୀ ଗିରଫ ପ୍ରତିବାଦରେ କଂଗ୍ରେସର ବିକ୍ଷୋପ
ପରେ ପ୍ରଧାନମନ୍ତ୍ରୀଙ୍କ କୁଶପୁତ୍ତଳିକାକୁ ପୋଡା ଯାଇଥିଲା । କଂଗ୍ରେସର ବିକ୍ଷୋଭ ଯୋଗୁଁ ରାୟଗଡା ଓଭର ବ୍ରିଜର ଉଭୟ ପାର୍ଶ୍ଵରେ ଦୀର୍ଘ ସମୟ ଧରି ଶତାଧିକ ଗାଡି ଅଟକି ରହିଥିଲା । ପୋଲିସ ପହଞ୍ଚି ଆନ୍ଦୋଳନକାରୀଙ୍କୁ ବୁଝାସୁଝା ପରେ ରାସ୍ତାରୋକ ହଟିଥିଲା ।
ରାୟଗଡ଼ାରୁ ରଞ୍ଜନ ରଥ, ଇଟିଭି ଭାରତ
