ରାୟଗଡାରେ ବାଲ୍ୟ ବିବାହକୁ ନାଁ

ରାୟଗଡା ଜିଲ୍ଲାରେ ବାଲ୍ୟ ବିବାହ ବନ୍ଦ କରିବା ପାଇଁ ସ୍ଥାନୀୟ ଡିଆରଡିଏ ସମ୍ମିଳନୀ କକ୍ଷରେ ରାୟଗଡା ଜିଲ୍ଳାପାଳ ପ୍ରମୋଦ କୁମାର ବେହେରାଙ୍କ ଅଧ୍ୟକ୍ଷତାରେ ସଫଳ ରୂପାୟନ ନେଇ ଟାସ୍କଫୋର୍ସ ଗଠନ କରାଯାଇଛି ।

ରାୟଗଡା: ଜିଲ୍ଲାରେ ବାଲ୍ୟ ବିବାହ ବନ୍ଦ କରିବା ପାଇଁ ସ୍ଥାନୀୟ ଡିଆରଡିଏ ସମ୍ମିଳନୀ କକ୍ଷରେ ରାୟଗଡା ଜିଲ୍ଳାପାଳ ପ୍ରମୋଦ କୁମାର ବେହେରାଙ୍କ ଅଧ୍ୟକ୍ଷତାରେ ସଫଳ ରୂପାୟନ ନେଇ ଟାସ୍କଫୋର୍ସ ଗଠନ କରାଯାଇଛି । ଜିଲ୍ଲା ପ୍ରଶାସନ, ଏକ୍ସନଏଡ଼ ଓ ୟୁନିସେଫର ମିଳିତ ଆୟୋଜନ କ୍ରମେ କିଶୋର ଓ କିଶୋରୀମାନଙ୍କୁ ସଶକ୍ତ କରିବା ସହ ବାଲ୍ୟ ବିବାହଠାରୁ ସେମାନଙ୍କୁ ଦୂରେଇ ରଖିବାକୁ ଖସଡ଼ା ପ୍ରସ୍ତୁତ କରାଯାଇଛି।

ଏହି ବୈଠକରେ ନେହା ନାଇଡୁ ଶିଶୁ ସୁରକ୍ଷା ବିଶେଷଜ୍ଞ ୟୁନିସେଫ, ଲୋପାମୁଦ୍ରା ତ୍ରିପାଠୀ , ଘାସିରାମ ପଣ୍ଡା ନ୍ୟାସନାଲ ମ୍ୟାନେଜର ଏକ୍ସନଏଡ଼, ପ୍ରଶାସନିକ ଅଧିକାରୀ, ପୋଲିସ, ଶିଶୁ ସୁରକ୍ଷା ୟୁନିଟ, ଜିଲ୍ଲାର ସମସ୍ତ ଶିଶୁ ମଙ୍ଗଳ ଅଧିକାରୀ ପ୍ରମୁଖ ଉପସ୍ଥିତ ଥିଲେ ।

ଏହି ବାଲ୍ୟ ବିବାହ ରୋକିବା ଅଭିଯାନକୁ ଗ୍ରାମ୍ୟ ସ୍ତରରୁ ଆରମ୍ଭ କରାଇବାକୁ ବୈଠକରେ ଗୁରୁତ୍ବ ଦିଆଯାଇଛି ।

ରାୟଗଡାରୁ ରଞ୍ଜନ ରଥ, ଇଟିଭି ଭାରତ