ରାୟଗଡା: ସହରର ଅସହାୟ ଓ ଗରିବ ପରିବାରଙ୍କୁ ରାସନ ସାମଗ୍ରୀ ବାଣ୍ଟିଲେ ବିଜେଡିର ରାଜ୍ୟସଭା ସାଂସଦ ଏନ. ଭାସ୍କର ରାଓ । ନିଜ ବାସଭବନରେ ସେ ଶୁକ୍ରବାର ସହରର ବିଭିନ୍ନ ସାହିବସ୍ତିରେ ରହୁଥିବା ଗରିବ ଓ ଶ୍ରମିକ ଶ୍ରେଣୀର ଲୋକଙ୍କୁ ଚାଉଳ, ଡାଲି ସମେତ ଅନ୍ୟାନ୍ୟ ଅତ୍ୟାବଶ୍ୟକ ସାମଗ୍ରୀ ବଣ୍ଟନ କରିଥିଲେ ।
କୋରୋନା କଟକଣା ଓ ଲକଡାଉନ ଯୋଗୁଁ ସହରରେ ରହୁଥିବା ଅନେକ ଗରିବ ପରିବାର ସହାୟତା ପାଇବାରୁ ବଞ୍ଚିତ ରହିଥିଲେ । ଏହି ପରିପ୍ରେକ୍ଷୀରେ ପ୍ରାୟ ୪ ହଜାର ପରିବାରକୁ ରାସନ ବଣ୍ଟନ କରାଯାଇଥିବା କହିଛନ୍ତି ସାଂସଦ । ତେବେ ରାସନ ବଣ୍ଟନ ହେଉଥିବା ଖବର ପାଇ ସାଂସଦଙ୍କ ଘର ସମ୍ମୁଖରେ ହଜାର ହଜାର ଲୋକଙ୍କ ଭିଡ ଜମିଥିଲା ।
ରାୟଗଡାରୁ ରଞ୍ଜନ ରଥ, ଇଟିଭି ଭାରତ
