ରାୟଗଡା: ରାୟଗଡା ପୋଲିସ ହାତରେ ୧୫ ଜଣିଆ ଲୁଟେରା ଗ୍ୟାଙ୍ଗ । ସହରର ବିଭିନ୍ନ ସ୍ଥାନରୁ ଏମାନେ ଚୋରି କରୁଥିବା ଅଭିଯୋଗ ହୋଇଛି । ଗିରଫ ୧୫ଜଣଙ୍କ ମଧ୍ୟରେ ୫ଜଣ ନାବାଳକ ରହିଥିବା ନେଇ ଏସପି ସର୍ବଣା ବିବେକ ଏମ. ସୂଚନା ଦେଇଛନ୍ତି ।
ରାୟଗଡା ପୋଲିସ ହାତରେ ବାଇକ ଲୁଟେରା ଗ୍ୟାଙ୍ଗ
ଗିରଫ ଗ୍ୟାଙ୍ଗର ସମସ୍ତ ସଦସ୍ୟ ରାୟଗଡା ସହରାଞ୍ଚଳର ବୋଲି ଜଣାପଡିଛି । ଏମାନେ ଚୋରି କରୁଥିବା ବାଇକ ଗୁଡିକୁ ଆନ୍ଧ୍ର ପ୍ରଦେଶର ପାର୍ବତୀପୁରମ ଓ ଅନ୍ୟ ସ୍ଥାନଗୁଡିକରେ ବିକ୍ରି କରୁଥିଲେ । ତେବେ ପୋଲିସର ଏକ ସ୍ବତନ୍ତ୍ର ଟିମ ଗଠନ କରାଯାଇ ଅଭିଯୁକ୍ତଙ୍କୁ ଗିରଫ କରାଯିବା ସହ ସେମାନଙ୍କଠୁ ୧୫ଟି ବାଇକ ଉଦ୍ଧାର କରାଯାଇଛି ।
ଗ୍ୟାଙ୍ଗର ୧୦ଜଣ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଛି । ଏହାସହ ୫ଜଣ ନାବାଳକଙ୍କୁ ଜୁଭେନାଇଲ ଜଷ୍ଟିସ କୋର୍ଟକୁ ପଠାଯାଇଛି ବୋଲି ସାମ୍ବାଦିକ ସମ୍ମିଳନୀରେ ଏସପି ସୂଚନା ଦେଇଛନ୍ତି ।
ରାୟଗଡାରୁ ରଞ୍ଜନ ରଥ,ଇଟିଭି ଭାରତ
