ହୋଟେଲରେ ଚାଲିଥିଲା ଜୁଆଖେଳ, 8 ଜଣଙ୍କୁ ବାନ୍ଧିଲା ପୋଲିସ

ରାୟଗଡା ପୋଲିସ ତେଜ୍ବସୀ ହୋଟେଲର 306 ନମ୍ବର ରୁମରେ ଚଢ଼ାଉ କରି ସେଥିରେ ଥିବା 8 ଜଣ ଜୁଆଡ଼ିଙ୍କୁ ଗିରଫ କରିଥିଲା ।

ରାୟଗଡା: ପୋଲିସ ଦ୍ବାରା ପୁଣି ଜୁଆ ଅଡ୍ଡା ଉପରେ ଚଢ଼ାଉ । ଏଥର କିନ୍ତୁ ରାୟଗଡା ସହରରେ ଥିବା ତେଜସ୍ବୀ ହୋଟେଲରେ ଚାଲିଥିଲା ଜୁଆ ଅଡ୍ଡା ।

କୌଣସି ସୂତ୍ରରୁ ଖବର ପାଇ ରାୟଗଡା ପୋଲିସ ହୋଟେଲର 306 ନମ୍ବର ରୁମରେ ଚଢ଼ାଉ କରି ସେଠାରେ ଥିବା 8 ଜଣ ଜୁଆଡ଼ିଙ୍କୁ ଗିରଫ କରିଥିଲା । ସେମାନଙ୍କ ଠାରୁ ଜବତ କରିଥିଲା 1ଲକ୍ଷ 35ହଜାର ଏକଶହ ଟଙ୍କା । ଏହାସହ 8ଟି ମୋବାଇଲ ଓ 4ଟି ବାଇକ ଜବତ କରିଛି ପୋଲିସ । ତେବେ ଏହି ଜୁଆ ଖେଳ ସହିତ ହୋଟେଲ ମାଲିକର ସମ୍ପୃକ୍ତି ଅଛି ନା ନାହିଁ ସେନେଇ ତଦନ୍ତ ଜାରି ରଖିଛି ରାୟଗଡା ପୋଲିସ ।

ରାୟଗଡାରୁ ରଞ୍ଜନ ରଥ, ଇଟିଭି ଭାରତ