ରାୟଗଡା: ରାୟଗଡା ରେଳ ଷ୍ଟେସନରୁ ୨୦ଜଣ ଦାଦନ ଶ୍ରମିକ ଉଦ୍ଧାର । ବୁଧବାର ରାତିରେ ମାନବଧିକାର ପରିଷଦ ରାୟଗଡା ଶାଖା ପକ୍ଷରୁ ଦାଦନ ଶ୍ରମିକଙ୍କୁ ଉଦ୍ଧାର କରି ଜିଆରପି ପୋଲିସଙ୍କୁ ହସ୍ତାନ୍ତର କରିଛି । ତେବେ ସେମାନଙ୍କ ମଧ୍ୟରୁ ୪ଜଣ ନାବାଳିକା ,୧୨ ଜଣ ମହିଳା ଓ ୪ଜଣ ପୁରୁଷ ଅଟନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ରାୟଗଡା
ସମସ୍ତ ଦାଦନ ଶ୍ରମିକ କୋରାପୁଟ ଜିଲ୍ଲାର ପଞ୍ଚଡା ଗ୍ରାମର ବୋଲି ଜଣାପଡିଛି । ଏମାନଙ୍କୁ କୋରବା ଏକ୍ସପ୍ରେସ ଜରିଆରେ ଆନ୍ଧ୍ରପ୍ରଦେଶ ଗୁଣ୍ଟୁର ସହରରେ କାମ ଦେବା ଆଶାରେ ନେଉଥିଲେ ଦଲାଲ । ତେବେ ସେହି ଦୁଇ ଦଲାଲଙ୍କୁ ଜିଆରପି ପୋଲିସ ଅଟକ ରଖି ପଚାରଉଚରା ଜାରି ରଖିଛି । ଏହାସହ ଜିଲ୍ଲା ଶ୍ରମ ବିଭାଗ ସହ ଯୋଗାଯୋଗ କରି ସମସ୍ତ ଦାଦନ ଶ୍ରମିକଙ୍କୁ ତାଙ୍କ ଗ୍ରାମକୁ ପଠାଯିବାର ବ୍ୟବସ୍ଥା କରାଯିବ ବୋଲି ପୋଲିସ ପକ୍ଷରୁ ସୂଚନା ମିଳିଛି ।
ରାୟଗଡାରୁ ରଞ୍ଜନ ରଥ, ଇଟିଭି ଭାରତ
